Oecusse, Vise Ministru Justiça, Ivo Valente partisipa selebra loron mundial direitu umanu nebe halão hamutuk ho komunidade no estudantes oecusse/Pante Makasar, iha loron 9 too 10 – Dezembru – 2013, iha salaun Terras e Propriedades distritu Oecusse, programa ne halão husi Dirasaun Nasional Direitus Umanus no Sidadania, (DNDHC).

    Loron ba dahuluk, (dia 9/ Desembru), Vise MJ aprezenta nia palestra ba estudantes, komunidade iha fatin refere, partisipa mos iha fatin nee, Adjunto Administrador distritu Oecusse Sr. Cancio Coa, komandante PNTL Sr. Rainaldo de Arauju, komandante FDTL Sr. Almeida Ximenes, representante direitu umanu ONU Sra. Anjet Lanting, Direitor Geral, Inspectro GIA, Komisaria direitu labarik Sra. Aldazisa Ximenes, Director Nasional Terras e Propriedade, ho directores distritais, Chefe suku distritu Oecusse tomak.

    Intervensaun Vise MJ, Ivo Valente foka liu ba Papel Funsionarius Publiku nudar servidor estado nebe, iha dever atu promove Direitos Humanus, oinsa serve povu/kuminidade, oinsa protégé / assigura metin norma/ valor prinsipiu direitu ema nian, liu – liu assegura ema ho defisiencia, feto faluk, oan kiak, ka ema vulneravel sira. Hadia Desenvolvimentu Nasional hodi promove Direitu Umanus iha Timor – Leste no tema mundial, koalia maka´as Hapara Diskriminasaun.

    Atividade ba komemorasaun ne iha mos konkursus publiku, sertame. Nebe Vise MJ nee, sai mos nudar ekipa ba juri hodi avalia konkursu sertame refere, fahe mos premeio ba manan nain sira inklui, hafoin kua quek e almoso hamutuk ho povu distritu oekusse. Iha parte lokraik Vise MJ Ivo Valente ho representante tomak, halao pawai lori aifunan ba soe iha tasi, halao mos visita ba hospital referal Oecusse, hodi hare labarik nebe moris iha loron ida ne, ( 10/12/2013/ nudar loron ba direitu ema nian), Vise MJ mos tau naran ba labarik feto oan ida moris loron ne, naran SERGIA MELA COA. Komutiva Vise MJ fila hikas mai Dili oras 16:00.