Dili-Ministru Justica,Dionisio Babo akompani husi Vice Ministru Justica Ivo Valente,Prezidente Funsaun Publika Liborio Pereira halo primeiru Lansamentu ba treinamentu Fiziku ba guarda Prizaun sira e treinamentu neé sei fasilita husi Forca Defeza Timor Leste F-FDTL,lansamentu neé haláo iha Prizaun Becora Sexta Feira (6/12)
Iha Diskursu Ministru Justica,Dionisio Babo hateten katak Treinamentu ida neé realiza tamba Ministeriu Justica halo koperasaun hamotuk ho Sekretario Estadu Defeza liu husi F-FDTL hodi fo treinamentu fiziku ba guarda prizaun sira tamba gurda prizaun sira laos atu hein deit prizoneirus sira maibe sira mos tenke iha fiziku no mentalidade neé diak e forte laos deit mai tur hodi hein deit dadur sira.

“Husu ba Guarda prizaun hotu neébe atu tuir treinamentu fiziku ida neé atu aproveita tempu ho diak tamba guarda prizaun laos mai atu hein deit prizoneirus sira,pelumenus fiziku neé tenke forte se lae banhira mos problema sira labele atua tamba sira la iha konsementu tamba neé ami servisu hamotuk ho F-FDTL atu fo trenamentu ba sira hodi nune sira mos bele iha fiziku neé forte”Dehan Ministru Justica,Dionisio Babo
Iha fatin seluk Direitu Nasional Serviços Prisionais e de Reinserção Social (DNSPRS) Helde Cosme Marcal Belo hateten katak membru guarda prizaun neébe sei tuir treinamentu fiziku neé hamotuk 192 no sei fahe kada turma hamotuk 21 tuir estratejia Forca Defeza Timor Leste F-FDTL nian e sira mos halo ejersiu iha Tasi Tolu e Metinaro depende orientasun husi F-FDTL sira neébe fo formasaun ba sira.
“orgolhu tebes ho F-FDTL sira nia koperasaun ho Ministeriu Justica liu-liu ba guarda Prizaun sira hodi fo kapasitasaun no treinamentu fiziku ba sira ami fiar kata ho formasun ou treinamentu fiziku neé bele aumenta tan sira nia konhesementu liu-liu banhira mosu problema iha Prizaun”Dehan Direitur.