Dili-Governu Timor Leste liu husi Ministeriu Justica marka tan istoria foun ba rai doben ida neé tamba pela primeiru Vez Timor Leste iha Timor oan neébe mak iha kareira especial ba Notariu no konservatoriu hodi fo legalizasaun ba documentus hotu-hotu ne’be inportante ba rai doben ida neé.
Iha diskursu Ministru Justica,Dionisio Babo hateten katak Timor Leste pela primeira
vez iha rasik Timor oan ne’be hasai kursu iha kareira espesialidade iha notariu no konservatoriu

iha Timor Leste hodi fo legalizasaun ba documentus hotu-hotu neébe inportante tebes ba ita nia rai tamba neé przensa ita boót sira nia inportante tebes tamba servisu barak sei hein hela ita boót sira iha karik.
“Hau (MJ) fo parabens ba Eis Ministra Lucia Lobato tamba iha nia inisiativa no apoiu husi koperasaun Portuguesa hodi fo tulun ba ita nia Timor oan sira hodi ba hasai sira nian kursu iha kareira especial liu-liu Notariu no konservatiru”Dehan Ministru Justica,Dionisio Babo hafoin halo diskursu iha Tomada de Posse ba Notariu no Konservatoriu iha Edifisiu Diresaun Nasional Registo Notariadu (DNRN) Bairo Pite,Dili,Quinta Feira (5/12)
MJ mos informa tan katak apartir ohin ba oin iha Distritu sira neébe mak agora dadaun ita nian notariu no konservatoriu sira sei komesa haláo ona sira nia funsaun nudar notariu no konservatoriu iha Distritu hodi fo sira nia asinatura ba documentus hotu-hotu.

“Sira nia asinu tura sei ajuda ita nia juiz sira iha tribunal tamba sira nia asina tura sei fale iha tribunal banhira juiz sira atu foti desizaun ba kazu ruma relasiona ho palsifikasaun documentus”dehan Mj.
Iha fatin seluk Prezidente Funsaun Publika Riboriu Pereira informa mos katak parabens ba ita boót sira neé ohin simu ona pose hodi sai hanesan notariu no konservatoriu hodi servi ita nia povu tuir lei haruka tamba ita funsionariu publiku mak sai hanesan makina do estadu tamba neé husu ba ita boót sira atu ejerse ita bot sira nia funsaun tuir lei haruka.
iha fatin hanesan mos Prezidente Tribunal Rekursu Calaudio Ximenes hateten mos katak ita boót sira nia papel inportante tebes hodi ajuda juiz sira atu foti desizaun ruma iha tribunal tamba ita bót sira nia asina tura sei vale toó iha nebe deit.
Iha serimonia tomada de pose neé partisipa husi Ministru Justica,Dionisio Babo,Vice Ministru Justica,Ivo Valente,Prezidente Funsaun Publiku Liboriu Pereira,Prezidente Tribunal Recursu Claudio Ximenes,Direitur Jeral Ministeriu Justica,Direitora Nasional Registo Notariadu.