Ministeriu de Justisa liu hosi Direcção Nacional Direitos Humanos e de Cidadania no Direcção Nacional Registo e de Notariado partisipa iha enkontro bilateral entre Indonesia ho Timor-Leste iha Bali-Indonesia.

Enkontro neé konsentra iha Hotel Intercontinental Jimbaran Bali durante loron tolu, hahu 20-22 Janeiro 2010.

Enkontro hanesan neé halao fila-fila ona iha Indonesia no Timor-Leste neébé hanaran Senior Officer Meeting (SOM), SOM I halao iha Dili Timor-Leste, SMO II halao iha Jogja-Indonesia, SOM III halao iha Dili, Timor-Leste no agora ba dala hat neébé halao iha Bali-Indonesia.

Partisipa iha enkontre nudar membrus delegasaun hosi ministeriu Justisa; Director Registo e Notariado, Henrique Oliveira Ximenes, Chefe departamento Passaport, Sra.Maria do Rosario Fatima de Araujo no chefe departamento Relaçoes Públicas e divulgaãó, Direcção Nacional Direitos Humanos e de Cidadania, João Maupelo da Costa.

Enkontro bilateral neé ho objective atu koalia konaba vida eis funsionariu Indonesia nian iha Timor-Leste, vida estudante Timor oan iha Indonesia, Border Pass Fronteira, Border Pass Marketing no serviso hamutuk iha asuntu sosiais entre nasaun rua iha area hotu-hotu.

Membrus delegasaun hosi Timor-Leste hamutuk ema nain 36 neébé mai hosi ministeriu no secretario estados Timor-Leste, no nudar chefe delegasaun ba enkontru neé Director Nacional Relasaun External, Ministeriu dos Negocio Estranjeiros, Isilio Coelho.

Delegasaun Indonesia ho Timor-Leste fahe ba grupu A no B neébé trata asuntus diferente. Ministeriu de Justisa tama iha grupu A ho B, parte grupu A hare liu ba asuntu Border Pass iha fronteira, no grupu B hare liu kona-ba Aset Indonesia iha Timor-Leste.

membrus hosi grupu A inklui delegasaun hosi ministeriu hotu-hotu neébé koalia kona-ba serviso hamutuk iha area inportante ministeriu hotu entre rai rua. Membrus hosi grupu B inklui Ministeriu das Negocio Estranjeiros, Secretario Estado Formasaun Profesional no Emprezario, Ministeriu de Justisa no Comisaun Funsaun Publica, neébé koalia kona-ba asuntu tolu; Tabungan Hari Tua (THT), Pensaun no Aset.

Grupu A ho B hosi parte nasaun rua halo enkontru geral iha 21-22 2010 hodi debate konaba asuntu tuir mai; Kooperasaun Ekonomia, Kooperasau Seguransa no Defesa, Ema Lakon no Centru Dokumentasaun ba Konflito Resolusaun. Enkontru entre Indonesia ho Timor-Leste neé hetan rejultado positive konaba atu fo fila osan neébe durante eis funsionariu Indonesia servisu koa.

Senior Officer Meeting IV Bali (SOM IV) Bali ho rejultadu realize asuntu neébé grupu B debate maka, Tabungan Hari Tua (THT) ho valor osan Rp 11 miliar resin neébe sei transfere mai Banku Mandiri iha Dili ho valor Rupiah no sei selu ho US Dollar ba ema neébé iha direito atu simu, Asuntu sira seluk sei koalia iha enkontru seluk.

Negosiasaun bilateral neé remata ho halo adopsaun relatoriu hamutuk entre nasaun rua, no asina akordo entre Timor-Leste ho Indonesia representa delegasaun hosi parte rua. Tuir plano enkontro Senior Official Meeting SOM-5 sei halao fulan Junho 2010 iha Timor-Leste.

Departamento Relaçoes Públicas e Divulgação