Komisáriu bá Komisaun Nasional Direitu Labarik nian

Ministério da Justiça buka ema ida neébé kualifikadu atu sai Komisáriu ba Komisaun Nasional Direitu Labarik neébé estabelese ona.

Komisaun ne'e, funsiona iha dependensia bá Ministério da Justiça, ho mandatu atu defende no promove Direitu Labarik; nomos ho responsabilidade/função núdar Komisáriu hanesan:Fasilita Governu nia komformidade ho standarte no espektativas husi Konvensaun Direitu Labarik Nasoens Unidas nian no instrumentu Direitus Humanus sira seluk, no Fó apoiu bá implementasaun Kódigu ba Labarik (neébé seidauk promulga).

Fornese stratejia nebe apropriadu, konselhu no asistensia tekniku ba Ministra da Justiça hodi fasilita Governu nia komformidade tuir estandar no espektasoens husi Konvensaun Nasoens Unidas ba Direitu Labarik no instumentus internasional relevantes ba direitus umanus no implementasaun Kodigu Direitus Labarik;Promove kultura respeita direitu labarik iha Repúblika Demokrátika Timor-Leste;Mantein relasaun diak, kolaborativu ho parseiru xave iha governu,sosiadade sivil,parseria ho komunidade; Lidera no halo planu stratejiku ba aktividades Komisaun nian tuir mandatu;Aplika jestaun ne'ebe efektivu no efisiente iha area finansas, tekniku no rekursu umanus;Reprezenta Komisaun, halo advoksia no lobi ba promosaun, monitorizasaun, implementsaun no defeza ba Direitu Labarik;
Hala'o knar sira seluk ne'ebe konsistente ho espektasoens ba pozisaun ne'e, ne'ebe dirije husi Ministra da Justica.Aplikante hotu sei husu atu hatama aplikasaun eskrita iha lian Tetum no Portuguese hanesan tuir mai ne'e :

karta akompanhamentu neébé esplika ita-bót nia interese no kapasidade ba vaga ;kurrikulum vitae ho referensia husi ema nain 3 ne'ebé relevante ba vaga; fotocopia kartaun eleitoral no dokumentu apoiu hirak nebe sertifika;

Enkoraja teb-tebes feto sira atu aplika ba vaga ida ne'e.

Atu hetan informasaun liu tan - halo favor kontaktu hó Sr. Nelinho Vital, Técnico Superior bá Direitus Humanus nian iha Direcção Nacional dos Direitos Humanos e de Cidadania, Ministerio da
Justiça, Avenida Jacinto Cândido, Dili, Telemóvel : 7230279, 7245851 E-mail: nvital@mj.gov.tl

Aplikasaun sei taka iha loron 20, fulan Janeiro tinan 2009, horas 17:30

Termos de Referência (ToR)

Komisáriu bá Komisaun Nasional Direitu Labarik nian

A.Titlu: Komisáriu ba Komisaun Nasional Direitu Labarik nian

B.Responsabilidade: ba Ministra da Justiça

C.Durasaun Tempo: Tinan 2

D.Qualificações no Experiência :

1.Sidadaun Timor Leste;

2.Licenciatura, Posgraduadu prefere nivel Mestradu, iha siensia sosial nebe relevante, administrasaun publiku ou displina relasaun internasional ; ka kualifikasaun ikivalente; ka kombinasaun formasaun formal no informal hamutuk ho servisu substansial no lideransa komunitaria no esperiensia servisu ne'ebe apropriadu ba posisaun ne'e;

3.Hatudu integridade, independensia no imparsialidade;

4.Minimum tinan sanulu (tinan 10) iha responsabilidade progresivamente, esperiensia relevante iha servisu publiku, ou seitor ONG; ou lideransa komunidade ou atendementus; pelumenus iha mos esperiensia minimun tinan tolu (tinan 3) iha area jestaun; kordenasaun politika no analiza no desenvolve politika ruma iha area Direitus Umanu ka Labarik, ben estar Labarik no Familia, Administrasaun Publiku, Dezenvolvementu Komunitaria, Edukasaun ou Relasaun Internasional; no esperiensia servisu konsideravel ho Komitiva Altu Nivel;

5.Hatudu jestaun organizasaun ne'ebe dezenvolvidu no abilidade iha dezenvolvementu, inklui hatudu abilidade iha planu strategiku, eksperiensia signifikante iha estabelesementu ba organisasaun foun, programas, ou atendementus, no eksperiensia iha area politika altu nivel no analisa programa no konselu;

6.Analitiku, konseptual no abilidade atu resolve problema.

7.Iha kompriensaun ba Konvensaun Direitu Labarik Nasoens Unidas ne'ebe diak no kestoens direitus labarik nian.

8.Kompetensia iha lingua ofisial ida Republika Demokratika de Timor Leste (Tetum ka Portuguese); nomos koñesementu diak ba lian Ingles.

9.Iha komunikasaun mak diak no abilidade negosiasaun, hamutuk ho abilidade atu estabelese relasaun servisu ne'ebe efektivu ho ema barak;

10.Eksperiensia no abilidade ne'ebe forte konaba representasaun, advokasia, no lobi;

11.Konesementu ne'ebe diak konaba sistema Timor nian no institusaun govermentais, tradisaun sosio-kulturais no demografia;

12.Abilidade atu halo viagem ba estranjeiru; no atu servisu iha territorio tomak, dala ruma iha area remota.

13.Komprensaun ne'ebe diak konaba kestoens major generu nian iha Timor Leste; no konsiensia konaba impaktu no konsekuensia husi diskriminasaun

14.Kondisaun saúde fisiku ho mental ne'ebé diak, hodi bele hala'o k'nar no diak.

15.Abilidade hakerek ne'ebe diak, inklui submisaun no propostas, tekniku no relatoriu bo'ot sira.

16.Abilidade komputador ne'ebe sufisiente (espesialmente word processing, spreadsheet, apliksaun ba apresentasaun) atu halo servisu rutina.

Aprovada pelo Director Geral,

Crisogno da Costa Neto