Dili-Ministru Justica,Dionisio Babo sai orador ba selebrasaun loron Internasional Direitus Humanus nia nee’be organiza husi Provedoria do Direitus Humanus e Justica,no nasoens unidas nian iha Timor Leste, iha selebrasaun neé mos loke mos diskusaun publiku ho nia tema “Hametin Direitus Humanus ba Dezenvolvimentu Inkluzivu” ,selebrasaun loron internasional neé haláo iha Otel Ramelau Dili,Quarta Feira (4/12).
Tuir Ministru Justica,Dionisio Babo hafoin sai orador hateten katak paradigm foun konaba direitus humanus agora dadaun banhira ema koalia kona ba saida maka direitus Humanus,kontekstu neébe atu hare maka kona ba oinsa direitus humanus nia ligasaun ho dezenvolvimentu sustentavel nomos dezenvolvimentu neébe foka ba liu ba ema umana ida.

“koalia kona ba dezenvolvimentu sustentavel signifika katak ita koalia kona ba dezenvolvimentu husi seitor hotu-hotu neebe la hakotu hodi ba atinji objektivu ne’be ita hakarak”Dehan Ministru Justica Dionisio Babo hafoin sai orador ba seminariu Nasional neé
Eis Komisariu CVA neé mos informa tan kontekstu ne’be maka ita hare sei kona konseitu baziku direitus Humanus no oinusa nia implementasaun situasaun sosio kultura nomos istoria husi komunidade ida neé inklui kultura rasik.
“Ohin loron nasaun iha mundu hasoru problema oin-oin ita hotu tenke rekonhese katak impelementasaun prinsipiu sira husi direitus humanus fraku tebes tamab la dun iha respeitu ba direitus Humanus neé ikus mai hamosu kondisaun la iha stabilidade no konflitu iha komunidade nia let”dehan eis Komisariu CVA
Timor Leste hanesan nasaun ida neé kik no foun iha mundu neé no direitus humanus sai hanesan baze fundamentu ba nai prosesu luta ukun rasik aán nian,tamba la kohi simu ema seluk atu mai viola timor oan sira nia direitu.
Iha fatin seluk PDHJ Sebastiaon Dias Ximenes hateten katak ohin loron hanesan loron especial ida ba ita hotu iha Timor Leste liu-liu ba dezenvolvimentu inkluzivu,provedor hanesan instituisaun neébe responsabel maximu ba direitus humanus nian liu-liu iha Timor Leste.