Viqueque- Ministru Justica,Dionisio Babo akompania Primeiru Ministru,Kay Rala Xanana Gusmao hodi partisipa iha segundu faze Levantamentu ba restu mortais iha Distritu Viqueque,Sub-Distritu Watulari,serimonia halót restu mortais neé haláo iha Sub-Distritu Watulari Vila Kuarta Feira (27/11).

Iha Diskursu Primeiru Ministru Xanana Gusmao hateten katak orgolhu tebes ho inisiativa husi Watulari oan rasik hodi ajuda governu hodi halo levantamentu ba restu mortais ba saudozu sira hotu neébe fo sira nia aa’n ba rai ida neé hodi ohin loron hetan independensia.

“Levatamentu ba restu mortais hodi halót saudzu sira nia ruin ida neé tama ona ba segundu faze iha Sub-Distritu Watulari serimonia halót restu mortais laos para deit iha ida neé maibe sei kontinua fatin iha 13 Distritu”Dehan PM Xanana hafoin partisipa iha serimonia halot restu mortais iha Sub-Distirtu Watulari.

PM mos informa tan katak governu sei hari semiteriu ida ba restu mortais sira neébe agora dadaun halot hela neé hodi tau saudozu sira nia ruin iha neba atu nune iha futuru ita nia jerasaun sira mos bele hatene.

Serimonia halot restu mortais neé partisipa husi Primeiru Ministru Kay Rala Xanana Gusmao,Prezidente Partidu FRETILIN Fransico Guterres,no akompania husi Membru do Governu no Familia tomak husi saudozu restu mortais sira tomak,levantamentu ba restu mortais ba segundu faze hamotuk 270.