Dili, Vise Ministru Justiça, Ivo Valente, Ofisialmente loke Formasaun ba Juristas balun husi UNTL / Universidade Timor-Leste nian,, Juizes, Procuradores, Defensores Publikus, Advogados, iha Centro Formasaun Juridika ( CFJ), loron 2 – 12 – 2013.

Formasaun refere, halo ho objectivu atu forma quadros nasinal sira, nebe iha futuru sei sai nudar Formador iha CFJ, hodi forma fali futuru kandidatus ba Juizes, procuradores, defensores publiku, advogados, etc.. Nune reduz dadauk dependencia ba formadores husi rai liur, ho nune, bele mos minimiza dependencia ba orsamentu ida nebe bot hodi assegura formasaun ba Formandos iha CFJ iha tinan hira oin mai.

Iha nia intervensaun, Vise MJ hato nia Bem vindo ba Formadores nain 2 nebe mai husi Portugal, DR. Eduardo Viegas Fereira, DR. João Jose Silva Cabaços, , nebe atu fo formasaun ba Timor oan 14, husu ba sira atu fahe matenek ba Timor oan sira, no experiencias sira nebe diak hodi Timor-Leste bele assegura nia formasaun professional ba quadros juristas sira iha futuru, nune mos husu ba Formandos sira atu aproveita didiak oportunidade sira nee, hodi sai professores ho qualidade AS, no bele kontribui barak iha CFJ iha tempo oin mai.! nune mos agradese apoiu UNDP nebe fasilita apoiu atu halão formasaun durante semana 2 oin mai.

Hein katak, ho pasu sira nebe Ministeriu Justiça halo ne, bele asselera formasaun ba quadros teknikus professionais iha area justiça hodi bele servi ita nia sidadaun sira, liu - liu iha areas remotas, dook tebes husi Sidade !

Serimonia ne, kontinua ho aprezentasaun husi formadores Internasionais sira oinsa formasaun ne sei lao noo objectivu husi formasaun refere.