Ermera, Vise Ministru Justiça, Ivo Valente sai nudar alta identidade iha serimonia Içar Bandeira nasional ba komemorasaun loron Independesia RDTL ba 38 iha distritu Ermera, nune mos komemora tinan tolu nulo akontesimentu masakre Kraras ( Viqueque).

Hahu dader oras 7:30, Vise Ministru Justiça partisipa misa especial iha igreja Nosa Senhora da Graca Ermera, hodi agradese ba luta naruk nebe povu Timor – Leste ho herões sira sakrifika ba Independesia.

Vise Ministru, iha tuku 09:30, presidente seremonia Içar bendeira, ho inicio fo honra ba herões libertasaun da patria, liu husi um minutu de silencio hafoin le diskursu oficial Presidente da Republika ( S. E. Sr. Taur Matan Ruak ), nune mos halo diskursu especial ba povu Ermera.

Komemorasaun loron proklamasaun independesia ne partisipa mos Adjuntu administrador distritu Ermera Sr. Danilo Babo, komandante interino PNTL Sr. Lucas Tilman, komandante FDTL Sr. Diano da Costa Lopes, ho directores distrital lubuk ida.

Serimonia içar bendeira taka no kontinuan atividade dada tali, jogo de berlindos, futubol ekipa komoro Dili kontra ekipa Ermera, impata 1 kontra 1. Iha tuku 13.00 meiodia Vise MJ almoso hamutuk ho povu Ermera e halao abertura dansa to tuku 14:30, hafoin husik hela entidade sira nebe partisipa iha serimonia icar bandeira hodi halao enkontru seluk ho dirasaun Distrital rua seluk nebe iha reprezentasaun iha Ermera, hanesan Terras e Propriedade ho Notariado distritu Ermera nian.