Ermera, Vise Ministru Justiça, Ivo Valente halao visita servisu ba iha distritu Ermera hodi hare besik servisu iha dirasaun 2, Registo sivil no dirasaun Terras e propriedades, atu hare besik funsionamentu no identifika obstakulos/desafius nebe dirasaun distrital sira hasoru.

Regista mos forsa de servisu husi funsionarius publiku iha dirasaun distrital hanesan Registo Notariado funsionarius permanente 4, directora Sra. Maria Santina Tilman, husi dirasaun Terras, funsionarius 19 ( 6 permanente, 13 casuais ), director Sr. Afonso Salsinha. Iha sorumutu ne, ekipa nasional nebe akompanha Vise MJ rona relatorio husi directores distritais nain 2, directora notariado Sra. Maria Santina Tilman, explika konaba sitausaun aktual no difikuldades nebe dirasaun ne hasoru hanesan distribuisaun de SENHA ba KOMBOSTIVEL, nune mos guestaun hanesan foti husi Director Terras e propriedades Sr. Afonso Salsinha konaba osan Pety Cash nebe simu fulan 3.

Vise MJ, Ivo Valente hatoo nia intervensaun konaba, objectivo principal halão visita ba distritu tomak iha Timor – Leste, atu hare besik servisu administrativus iha distritu, identifika obstakulos nebe hasoru, rona no konhese diak kapasidade husi funsionarius Ministeriu Justiça nian iha distritu, dessimina mos sirkular husi Ministeriu Finança nian konaba oinsa ezekuta orsamentu iha kada dirasaun ( liu – liu orsamentu ba Imprest Fund / Fundu ba adiantamentu). Identifika mos difikuldades nudar barreira ba komunikasaun entre governu central no distrital sira maka hanesan Linha Internet nebe la funsiona iha distritu tomak.

Vise MJ mos koalia konaba salario ba ultimu ano hanesan salario ba dala 13, salario ne ba funsionarius publiku no ba kargos politiku sira mak bele hetan, ba funsionarius kasuais iha possibilidade mos atu hetan, maibe tenki respeita uluk kontratu de servisu entre Estado I Funsionarius idak idak.

Iha mos mensagem ikus ba Funsionarius Publiku iha distritu ne husi Vise MJ Ivo Valente, katak, percisa nafatin hadia mekanismu de prestasaun servisu nian, basa, ermera sira halão hela esforsu atu implementa Municipio iha tinan hira oin mai, katak prestasaun kada dirasaun reprezenta kapasidade Ministeriu no kapasidade rekursus humanu distritu nian hodi sukat, ba kbiit hari Municipio.