Lautem-Familia boót husi Ministeriu Justica ne’ebe cefia husi Ministru Justica,Dionisio Babo,Vice Ministru Justica,Ivo Valente,Sekretariu Estadu Terras e Propridade Jaime Xavier,Direitur Jeral Ministeriu Justica Fransisco.

Carceres,Direitur Nasional no Chefe Departamentu e Funsionariu husi Ministeriu Justica tomak partisipa retiro iha Fuiloru hodi halo avaliasaun no halo reflesaun ba servisu neébe durante née halo iha Ministeriu Justica.

Iha Retiro neé Ministru Justica,Dionisio Babo hateten katak objektivu retiru atu halo reflesaun no avaliasaun ba servisu neébe durante neé halo iha Ministeriu Justica nia laran e mos bele hametin relasaun diak entre Funsionariu publico ho direjente Ministeriu Justica nia hodi sai hanesan familia bo’ot ida iha Ministeriu nia laran.

“Retiro ida neé inportante tebes ba funsionariu tomak iha Ministeriu Justica nia laran atu bele halo reflesaun no halo avaliasaun ba sira nia servisu neébe durante neé sira halo hodi bele up date malu hodi hare saida mak durante neé halo ho susesu e ida neébe mak la susesu”Dehan Ministru Justica,Dionisio Babo hafoin loke abertura ba retiro iha Dom Bosco Fuiloro Sabdu (15/11).

Iha Fatin seluk Vice Ministru Justica,Ivo Valente hateten katak retiro neé atu hametin ralasaun diak hodi sai hanesan familia boót Ministeriu Justica nian iha parte ida mos atu bele konhese diak ita nia rai liu-liu iha parte leste.

“Iha retiro ida neé atu diskuti sai mak ita halo ona no sai mak ita sei dauk halo no iha retiro ida neé presija koriji malu ita nia servisu durante neé atu nune ita 2014 ita bele muda ona ita nia mentalidade de servisu”dehan Vice Minsitru Justica Ivo Valente.

Vice mos salienta tan katak iha V Governu Konstituisional Ministeriu Justica mak diak liu kompara ho Ministeriu sira seluk maibe ida neé laos deit diak ba ami nain tolu Ministru,Vice Ministru ho Sekretariu Estadu neé lao maibe ida neé tamba esforsu ita boót sira nia hotu liu-liu iha Administrasaun.

“ohin oportinidade diak tebes ba ita boót sira hotu atu bele koriji malu no observa ita boót sira nia servisu durante tinan 2013 atu nune ita tama ba 2014 ita bele muda”dehan Vice.