Dili- Governu Australia liu hosi Australian Aid (eis Ausaid) entrega formalmente Sistema Gestaun Informasaun Integradu (IIMS) ba instituisaun Justica iha Timor Leste. Ho entrege projecto nebe remata ona iha 2013 maka Governo timor-Leste liu hosi Minsterio Justica iha ona direito Propriedade Intelektual (Intelectual Property)IIMS nian.
Iha sourumutu neé Ministru Justica, Dionisio Babo representa governo Timor Leste liu husi Ministeriu Justica agradese apoiu nebe durante neé governu Australia fo liu husi Justice Facility hodi estabalese Sistema Manajement informasaun integradu (IIMS).
Programa IIMS ne hodi serve instituisaun justica tomak iha Timor Leste no hodi fasilita servisu seitor justica nia liu-liu atu asegura seguransa ba documentus inportante neébe iha seitor justica nian.

Programa ne mos sei alinha no liga entidades seitor justice nian hanesan Tribunais, Procuradoria Geral, Prizaun, Diresaun Servisu Sivil e Notariado, Policia (PNTL) ho Ministerio da Justica rasik hodi partilha informasaun konaba dadus oin oin. Publiku mos, bainhira sistema ne estabelecido, sei iha espasu atu acesso informasaun konaba servisu sistema Justica nian tomak.
Iha biban ne mos, diskute katak governu Australia remata ona nia programa no entrega ona ma Ministerio da Justica. Iha tina 2014, Governo Australia sei tulun nafatin maibe sei halao liu hosi UNPD hodi kontinua suporta IIMS iha 2014 liu-liu ba manutensaun IIMS neeébe estabalese ona iha instituisaun justica nia hanesan Tribunal Rekursu,Procurador Jeral da Republika,PNTL no Ministeriu Justica rasik.
“Durante née sistema IIMS finansia husi Justice Facility no iha tinan 2014 sira kontinua financia hodi fo manutensaun ba IIMS hodi fasilita servisu justica” Dehan Ministro da Justica Dionisio Babo.