Dili, UNDIL, Vise Ministru Justiça Ivo Valente sai nudar orador ba Seminário nebe halao husi Universidade Nasional Dili (UNDIL), partisipa mos Reitor UNDIL Dr. Antonio Cardoso, Director DNDHC Dr. Celito Cardoso (moderador), Vise Rektore sira, dekanus Fakuldade nian, Dosentes no ho estudantes Universitario tomak husi UNDIL ne, ohin 13 de Novembro 2013.

Hahu ho Lian mak-loke husi Magnifiku Reitor, nebe agradese ba inisiativa no apoiu husi Ministeriu Justiça ba seminario nee, husu atu estudantes Universitario sira, akompanha no aprende husi experiencias sira ba interrese habelar informasaun noo matenek ba ita nia sidadaun sira.

Hafoin intervensaun husi Director Nasional direitus humanus Dr. Celito Cardoso nebe hahu informa konaba objetivu prinsipal ba ideia ka hanoin halao semonario ne iha UNDIL atu bele hela kolaborasaun husi estudantes no fo inisiativa ida aktivu hodi assegura lei no ordem, iha Estado Direitu demokratiku.

Vise Ministru Justiça Ivo Valente, nebe hahu nia palestra iha tuku 09.40 too tuku 10.45, koalia barak sobre konseitu lei nebe vigor iha Estado Timor – Leste, liu-liu refere ba konseitu Direito no Dever normas internasional nian nebe konsagra ona iha konstituisaun Republika Timor-Leste nian, Ivo Valente nebe nudar orador explika mos artigos por artigos husi lei inan nee, no fo exemplo konkretus /reais iha vida moris nudar sidadaun Timor oan, liu-liu nudar estudante nebe iha papel fundamental, atu assegura implementasaun normas ida nebe ekelibriu entre direitu noo dever nudar sidaduan Timor-Leste. Vise Ministru nee, informa mos konaba experiencias sira nudar dosente ida iha UNDIL, iha inisiu hahu loke universidade nee. Artikula mos Lei inan sira nia demanda ho lei oan sira ka projecto ba lei sira balun nebe sei iha Parlamento Nasional.

Tuir sesaun seluk maka husu/pergunta no hatan, Vise Ministru hetan pergunta barak konaba direitu ba rai, no eviksaun nebe sidadaun sira sai vitima, nune mos konaba imigrantes ka sidadaun estrangeiros nebe halao negocio iha Timor -Leste, hatan ba assuntu refere, katak, Projecto de lei 3 iha ona Parlamentu Nasional, sei hein agenda no audiencias sira hodi diskuti, nune mos fo atensaun ba lei imigrasaun atu dirasaun imigrasaun bele implementa.

Vise Ministru Justiça, Ivo Valente nudar mos eix Procurador da Republika, explika liu tan artikulasaun sira ba perguntas nebe relasiona ho krime sira, inklui krime ba korrupsaun, nebe entidade estadu sira hanesan PGR, KAK no PDHJ nia papel importante atu kombate krime oin-oin.

Iha sesaun Enseramentu, halao aktu ba intrega simbolikamente, Livrus konaba Konstituisaun RDTL nian, Kodigu Penal noo Kodigu Prosesu Penal hamutuk livru 300 ( atus tolu), hodi tau iha biblioteka UNDIL nian !

Termina seminario iha tuku 12.30 oras Timo-Leste.