Dili-Organizasaun Internasional UNDP neébe durante neé servisu makas tebes hodi fo apoiu ba Seitor Justica iha Timor Leste Kuarta Feira neé halo lansamentu relatoriu ba bareira iha justica ba vitima husi Violensia Domestika iha Timor Leste,lansamentu neé haláo iha Timor Plaza Kuarta Feira (23/10).

Iha diskursu Ministru Justica,Dionisio Babo hateten katak estudu programa ba sistema Justica oferese rekomendasaun sira atu hametin ligasaun entre seitor justica tradisional no formal,lei kontra violensia domestika (LKVD) Timor Leste nian,governu Timor Leste promulga ona iha tinan 2010 difine violensia domestika hanesan krimi publiku neébe tau pozisaun forte katak violensia domestika mak laos normal ka problema privadu maibe neé violensia publiku.

“Iha estimasaun katak porsentu 30 toó 50 husi feto Timor oan sira kontinua sofre ba auzu husi sira nai parseiru no iha pontu balun husi sira nia relasaun,iha dadus disponivel neébe la dun klaru kona ba fator sira neébe afeta ba feto sria nia desizaun kona ba oinsa atu responde banhira sira hasoru problema violensia domestika”Dehan Ministru Justica,Dionisio Babo hafoin halo diskursu iha Lansamentu Relatoriu Violensia Domestika.

Ministru Justica,mos informa relatoriu husi PNUD/UNDP atu hafahe siklu vilensia Domestika iha Timor Leste opsaun mak asesu ba justica,bareira no prosesu halo desizaun iha kontestu pluralizmu juridiku hare iha kontesu legal no social dezafiu sira neébe mak hasoru husi feto sira atu diside karik,oinsa no iha neébe mak sir abele buka justica.

Iha fatin seluk Reprezentante UNDP iha Timor Leste Mikiko Tanaka informa mos katak parseru ho ema iha nivel hotu-hotu husi sosiadade ne’e atu ajuda harií nasaun sira neébe mak luta hasoru krize,no impulsional no sestina tipu husi kreximentu neébe hadia kualidade husi moris ema ida-idak nian.

“iha tereinu iha nasun no teritoria 177 ami oferese prespetiva global no vizaun local atu ajuda kapasita moris no hari nasaun rezistente iha Timor Leste PNUD/UNDP fornese ona konsellu tekniku no asistensia atu hari instituisaun publiku ne’be forte no iha kapasidade nivel nasional no sub-nasional iha justica”dehan Mikiko Tanaka.