Dili- Cornelio Gama (L7) Segundo Comandante das Falintils iha Rejiaun III no veteranos da resistensia nasional nebe nudar fundador Organizasaun Sagrada Familiahato pessoalmente rekonhesimento ba kontribuisaun Dionisio Babo, actual Ministro da Justisa no Sekretario Geral CNRT, durante resistensia hasoru Indonesia.

Dionisio Babo, formalmente adere ba Organizasaun Sagrada Familia bainhira fila hosi nia eskola iha Noval Zelandia, iha 1995, durante haknaar aan nudar docente iha Universitas Timor Timur (UNTIM). Durante neba Dionisio Babo servisu hamutuk ho Adolfo Canigio (Xamahau) no Bernadino (matebian) ho Armindo Maia ho sira seluk iha organizasaun ne hodi halo reistensia hasoru Indonesia.

Komandante L7 entrega pessoalmente ba Dionisio rekonhesimento kontribuisaun ba luta hodi hato Certificado de Reconhecimento nebe assina hosi Sub Comandante do estado Maior das Falintils, Primeiro Comandante Tito da Costa/ Lere Anan Timur, Fundador da Organisacao Sagrada Familia e Segundo comandante da Rejiaun III, Cornelio Gama/ Eli Sete ho Responsavel Maximo da Organisacao Sagrada Faamilia, Andre da Costa Belo/ Eli Quatro.

Organisacao Sagrada Familia, nudar component resistensia ida neébe mak uluk halibur Timor oan hotu ho nia prinsipiu ida deit katak mate ka moris ukun rasik aán hodi liberta rai ida neé husi kolonialismu sira. Ohin loron Timor Leste hetan ona nia ukun rasik aán organizasaun Sagrada Familia la haluha mos nia membru sira neébe mak uluk didikaán tomak ba organizasaun neé hodi fo sertifikadau hanesan rekonhesementu ba nian membru sira neébe mak uluk partisipa iha organizasaun ida neé.

Fundador Organizasaun Sagrada Familia Cornelio Gama (L7) hafoin intrega sertifikadu ba Membru Sagrada Familia Dionisisio Babo informa katak sertifikadu ida neé hanesan rekonhesementu husi Organizasaun sagrada Familia hodi fo ba membru sagrada familia sira hotu ne’be mak uluk involve aán iha organizasaun ida neé. Nia mos rekonhese katak desde uluk nia hatene ona membru sira nia partisipasaun no hatene oinsa membru sira ne luta ho nonok no nunka hakarak atu hatudu aan maski Timor ukun aan ona.

“Sertifikadu neébe agora ami fahe ba ami nia membru sira neé atu fo rekonhesementu no fo valorizasaun ba ami nia membru sira neébe mak uluk involve aán iha organizasaun sagrada familia. ”Dehan Fundador Organizasaun Sagrada Familia Cornelio Gama (L7) hafoin intrega Sertifikadu ba Membru Dionisio Babo atual Ministru Justica,Kuarta Feira iha Gabinete Ministru Justica Caicoli DIli (23/10).

Iha fatin seluk Membru Organizasaun Sagrada Familia atul Ministru Justica Dionisio Babo hateten katak sente orgulhu tebes ho Maun L7 nébe mak agora fo ona rekonhesementu ba Timor oan hotu neébe mak uluk ami halibur hamotuk iha organizasaun Sagrada Familia ho nia prinsiu ida deit. Nia hatete katak nia la merese rekonhesimentu bot liu tanba iha ema seluk maka fo kontribuisaun makaas liu ba rai ida ne, maibe nunka hakarak ema atu rekonhese sira. Dionisio mos hatete katak gerasaun foun nebe sei labarik no moris iha tinan 1980 ba leten nebe la hatene istoria resistensia nian, maibe gosta akuza ema seluk no nega ema nia favor ba luta ukun aan.

“Nudar Membru Organizasaun Sagrada Familia sente orgolhu tebes ho rekunhesimentu ida ne. Cerimonia entrega certificado ba membrus OSF halo liuiha sexta feira liu ba nebe entrega direitamente hosi Comandante Aluk representa Eis Chefe estado maior Lere Anan timur. Dionisio Babo haktuir tan katak maske la iha buat diak ida husi Fundador Maun Cornelio Gama L7 maibe ho sertifikadu ida neé bele fo valorizasaun no rekonhesementu ba ami Timor Oan neébe mak uluk halibur hamotuk iha organizasaun sagrada familia” Dehan Membru Sagrada Familia Dionisio Babo.