Edificio Ministeriu Justiça, Vise Ministru Justiça, Ivo Valente, lidera reuniaun konsellu konsultivo, Ministeriu Justiça (dia 22 de Outubro de 2013).

Iha reuniaun ne partisipa husi dirasaun tomak iha Ministeriu Justiça, Director Geral, Inspectur GIA, Directores Nasionais no Chefe Departementu iha Ministeriu Justiça.

Reuniaun ho agenda prinsipal atu hare Submissaun ba Evolusaun Fisika ba terseiru trimestre-MJ, hare mos Exekusaun orsamentu MJ too fim de Outubro, nunemos agenda seluk konaba Planu Demolisaun ba edifisiu MJ antigo, tuir mai diskuti mos assunto nebe planeia hela husi Ministeriu Justiça konaba Retiro nebe sei halao iha Com distrito Lautem iha fulan Novembro oin mai.

Ivo Valente, Vise Ministru Justiça, husu atu dirigentes hotu bele kontrola, no akompanha implementasaun planu assaun annual, no defini linhas prioritarios sira konaba ezekusauan nebe tenki asselera tamba razaun limitasaun ba data hodi submete CPV ka pedidu pagamentu dia 15 de Novembro de 2013.

Diskusaun lao ho kontribuisaun Dirigentes hotu2, liu-liu heta hetan mos explikasaun husi reprezentante Director DNAF, Sr. Salvador, konaba ezekusaun nebe atingi ona 43 % iha dia 16 de outubro de 2013. Assunto nebe importante katak, Sr. DG, informa ba Dirigentes tomak atu fo informasaun ba Funsionarius Publico MJ, katak sei iha mudansas ba edifisio MJ, tamba atu halao demolisaun ba edifisiu aktual MJ, no informa mos konaba constusaun edifisiu tekniku iha portaun tama MJ nian, nune sei taka portaun odamatan tama, no FP sira sei liu deit iha portaun ida..

Antes termina, VMJ, husu atu simu ideia husi inspektur GIA, konaba implementasaun kontrola ba presenza FP MJ nian, ho piloto projectu ida atu monta makina impresaun digital iha dirasaun 3 ( DNTP, DNRN no dirasaun Prizaun ).
Reuniaun ne halao tuku 14:30 too oras termina tuku 17: 04