Oe-Cusse – Ministru Justica,Dionisio Babo iha vizita neé fo orentasaun ba Direitur DNTP kada Distritu atu halo indentifikasaun ba propridade estadu nian iha Teritoria Timor laran tomak hodi halo mapa ida atu nune fasil ba estadu banhira presija rai atu halo dezenvolvimentu.

Tuir Ministru Justica,Dionisio Babo hateten katak Diresaun Nasionl Terras e Propriedade iha Distritu hotu tenke halo indentifikasaun ba propriedade estadu nia iha Teritori Timor Leste atu nune estadu bele hatene katak rai neé estadu nia rai neé privadu se lae sei difikulta servsiu DNTP iha distritu.

“Husu ba Direitur DNTP kada Distritu tenke indentifika ona propridade neébe mak partensia ba estadu no propridade neébe mak privadu nia hodi halo mapamentu emjeral ba propridade iha teritoria Timor Leste se lae aban bainrua estadu presija rai atu halo dezenvolvimentu ita la hatene rai ida neé mak estadu nia rai ida neébe mak privadu nia” dehan Ministru Justica Dionisio Babo iha edifisiu DNTP Distritu Oe-Cussi Kuinta Feira (17/10).

Ministru Justica mos informa mos katak husu mos ba Ministeriu hotu-hotu banhira presija rai atu halo konstrusaun iha distritu tenke halo konsultasaun ho Diresaun Nasional Terras e proriedade iha kada distritu hodi hare atu nune banhira iha problema sira mos hatene.

“iha tempu besik hau (MJ) sei hasai sirkular ida ba Ministeriu hotu-hotu katak atu halo konstrusaun ba edifisiu estadu nian iha distritu ou iha nebe deit tenke iha konhesementu husi Diresaun Nasional Terras e Propriedade (DNTP) iha Distritu tamba sira mak hatene liu kona ba rai neé”dehan MJ.

Iha fatin seluk Direitur Nasional Terras e Proriedade Distritu Oe-Cusse Julio Coe informa katak durante neé ami halo sosializasaun ba lei rai nia,halo levantamentu kadestral e mos ba atribuisaun sertifikadu ba rai neébe uluk progrma ita nia rai halo ona levantamentu ba sira neébe la iha disbuta ami halo atribuisaun sertifikadu ba sira neébe mak sei iha problema ami fo deit vistu mean hein sira rejolve hotu mak ami bele atribui serfikadu ba sira.

“durante neé ami sei dauk halo mapamentu ida neébe espesifiku liu hodi indentifika ba propriedade estadu nia e propridade privadu nia ho orentasaun Ministru Justica nian iha futuru banhira lei sai ami mos sei bele halo ida neé”dehan Julio Coe.

Julio mos informa tan katak durante neé Ministeriu Balun mak halo konstrusaun iha rai estadu mak la dun kordenasaun diak ho ami tamba neé Sua Ex Ministru Justica nia atu fo serkulasaun ba Ministeriu hotu-hotu hau fiar katak iha futuru sei lao ho diak.