Oe-Cusse-Relasiona ho politika V governu nia atu halo Pre-deskonsentrasaun ba kada Ministeriu neébe iha ona delegasaun iha Distritu,iha semana kotuk neé Ministru Justica,Dionisio Babo halo vizita de trabalhu ba Distritu Oe-Cusse hodi halo reiniun no rona prekupasaun saida mak durante neé Funsionariu sira hasoru iha Distritu Oe-Cusse.

Iha Reiniuan neé Ministru Justica,Dionisio Babo informa katak iha vizita ida neé atu hare direitamente servsiu ba delegasaun Ministeriu Justica nia iha Distritu Oe-Cusse haneasn Diresaun Nasional Terras e Propriedade (DNTP) Diresaun Nasional Registo Notariadu (DNRN) Defensoria Publik,halo durante neé e mos relasiona ho politika V governu Konstituisional nia neébe sei halo pre-deskonsentrasaun ba Ministeriu sira neébe iha ona delegasaun iha kada distritu liu-liu ba Ministeriu Justica nia.

“Objektivu halo vizita trabalhu ida neé atu hare besik liu tan servisu no obstaklu saida mak durante neé diresaun sira hasoru ba delegasaun husi Ministeriu Justica nia neébe temi ona iha leten liu-liu Diresaun Nasional Terras e Propriedade iha Distritu Oe-Cussi tamba Diresaun Nasional Terras e Propriedade diresaun ida neébe mak boót no inportante tebes tamba neé ita presija hare no hadia diak liun iha futuru”dehan Ministru Justica Dionisio Babo iha edifisiu DNTP Distritu Oe-Cussi Kuinta Feira (17/10).

MJ mos informa tan katak politika V governu konstituisional atu halo pre-deskonsentrasaun ba diresaun sira neébe agora dadaun iha ona delegasaun iha Distritu, ida neé hanesa aumenta tan servisu boót ba diresaun sira iha distritu liu-liu ba DNTP,tamba neé agora dadaun tenke prepara aán ho diak molok atu simu pre-deskonsentrasaun iha distritu.

Iha fatin seluk Direitur Nasional Terras e Propriedade Distritu Oe-Cusse Julio Coe hateten mos katak sente orgolhu tebes ho vizita Ministru Justica bele mai hare direitamente ami nia servisu,tamba durante neé ami hasoru problema barak liu mak elektirisidade ami loron la halo servisu tamba ahi mate tamba neé ami sujere iha tempu besik atu bele fasilita jerador ida mai ami atu nune ami bele halo servisu iha tempu loron.

Iha fatin hanesan mos Direitur Nasional Registo Notariadu Distritu Oe-Cusse Rui Moniz Pereira hateten katak problema neébe durante neé ami hasoru mak funsionariu limitadu liu atu halo atendementu ba publiku tamba neé ami husu atu bele rekruta tan funsionariu DNRN nia mai iha Oe-Cussi e problema seluk mak elektrisidade la iha atu bele fasilita ami nia servisu iha tempu loron tamba ahi lakan iha tempu kalan deit entaun loron ami labele halo servisu.

Iha vizita trabalhu neé cefia husi Ministru Justica,Dionisio Babo,Akompania husi Direitur Nasional Administrasaun Financas Crisogno da Costa Neto,Chefe logistic Nelinha dedeus.