Dili, Hotel Timor, Vise Ministru Justiça Ivo Valente partisipa seminario nebe halao husi Universidade Nasional Timor – Leste (UNTL), nebe konvida orador husi Universidade Coimbra Portugal, Prof. DR. Jose Manuel Aroso Linhares, nebe hahu iha tuku 09.30, loron 17 – 10 – 2013. Marka mos prezensa Vise Ministru Edukasaun ba Ensino Suprior Dr. Marcal Avelino no Estudantes husi Universidade Timor – Leste (UNTL).
Iha intervensaun nebe koalia barak konaba teoria ba Direito, Matenek nain ne, espesifikamente tau importansia ba direito nudar baze nebe mai husi hahalok ema nian, no hare oinsa ensino bele alkansa objektivu, no oinsa hakat liu desafius sira nebe mosu ohin loron, nudar mos hanoin atu bele uza lei sai instrumentu ba solusaun problema komunidade.

Ohin loron Timor – Leste moris iha tempo globalizasaun, maibe timor - leste iha rasik nia identidade nune, matenek nain sira iha direito percisa tur, hanoin no diskuti oinsa forma ida diak liu direito nian atubuka rezolve desafius sira nebe povu Timor-Leste hasoru.
Vise Ministru hanoin katak, importante ba dezenvolvimentu ensino superior iha area Direito, tamba ramu direito nudar fundamentu ba estado de Direito atu vinkula nia sidadaun sira ho normas ka valores rasik. Nudar Timor-oan, ita hotu hein katak, iha Futuro, iha Fakuldade de Direito ida nebe qualifikadu , atu garante nia graduadus sira, sai pilar rasik hodi konstroe nasaun ka estado de Direito Demokrtatico Timor-Leste, Nasaun ida nee, percisa Juristas, professionais de direito lubuk ida, nebe sei kontribui ba rai nee tomak, maibe tenki sai Juristas ho qualidade.

Palestra nebe organiza husi UNTL, termina iha tuku 16.30 oras Timo-Leste.