Manufahi-Ministru Justica,Dionisio Babo akompania husi Diretora Diresaun Nasional Registo Notariadu (DNRN) Maria Fatima de Araujo hodi halo vizita de trabalhu iha Distritu Manufahi hodi hare,no rona direitamente servisu no prekusaun neébe durante neé funsionariu sira hasoru iha Distritu refere.
Tuir Direitor Diresaun Nasional Registo Notoariadu Distritu Manufahi Mariano Castro do Rosariu hateten katak sente orgolhu tebes ho prezensa Sua Ex Ministru Justica nia bele mai vizita ami iha Distritu hodi rona no hare ami nia prekupasaun neébe durante neé ami hasoru iha Distritu Manufahi,
servisu Diresaun ida neé iha Distritu Manufahi lao ho diak hodi halo atendementu ba publiku diak tebes maibe ami nia prekupasaun mak menus liu ba fasilidade liu-liu transporte tamba iha Distritu Manufahi iha deit motorizada kareta la iha tamba neé banhira ami tun ba iha Sub-Distritu ami sempre hasoru problema barak liu-liu transporte atu halo deslokasaun ba Sub-Distritu neé e falta mos rekursu humanus tamba iha neé funsionariu menus tebes.
“problema neébe durante neé ami hasoru iha Distritu Manufahi mak limitasaun ba funsionariu publiku dala ruma funsionariu neébe haláo sira nia knar hanesan siguransa sira mos bele mai ajuda iha administrasaun e limitasaun seluk fali mak transporte tamba toó tempu udan ami uza deit motorizada entaun documentus inportante sira neébe ami lori bokon hotu”Dehan Mariano Casto do Rosariu
Hatan ba kestaun neé Ministru Justica,Dionisio Babo hateten katak objektivu halo vizita ida neé atu hare servsiu no rona dereitamente prekupasaun saida mak durante neé funsionariu sira hasoru liu-liu iha Distritu sira neé tamba sira mak besik liu ba povu hodi halo atendementu ba povu nia prekupasaun.
“Vizita ida neé inportante tebes atu hare lalaok servisu neébe durante neé Diresaun Nasional Registo Notariadu (DNRN) iha Distritu Manufahi neé halo, tamba DIresaun ida neé inportante tebes iha kada Distritu hodi halo atendementu ba povu sira neébe presija documentus hanesan Sertidaun RDTL,Gio de Obito,Registo Criminal ”Dehan Ministru Justica Dionisio Babo
Ministru Justica mos salienta tan katak prekupasaun neébe ita boót sira infrenta ami sei hare liu-liu ba transporte,e ba limitasaun funsionaiu ita boót sira uza lai funsionariu neébe agora iha hodi halo servisu tamba tinan ida neé Ministeriu Justica sei dauk iha rekrutamentu ba funsionariu publiku.
Alende halo vizita iha DNRN Ministru Justica mos kontinua halo vizita ba iha Diresaun Nasional Terras e Propridade (DNTPC) hodi rona mos sira nia prekupasaun no hodi hare direitamente servisu neébe durante neé Sira halao.