Dili-Ministru Justica,Dionisio Babo sai orador ba Sorumutu neébe organiza husi CNE iha aprezentasaun neé Ministru Justica koalia liu kona ba Dokumentus Alternativa Asesu ba Nesesidade Servisu Publiku, sorumutu Meza kabuar neébe partisipa husi Comisaun Nasional da Eleisaun (CNE) Ministeriu Administrasaun Estatal, (MAE) Ministeriu Justica (MJ) Parlamentu Nasional (PN) no reprezentante Partidu Politiku sira ne’bee agora ejisti iha Timor Leste, sorumutu neé realiza iha Salaun Apuramentu CNE Caicoli Dili.Terca Feira (9/10).

Tuir Ministru Justica,Dionisio Babo iha Aprezentasaun neé hateten katak tuir konstituisaun Republika hateten katak sidadaun hotu-hotu iha direitu ba partisipasaun politika tuir artigu 46,no art 47 fo baze ba sidadaun hotu neébe idade 17 ba leten atu iha direitu ba hili nomos ema hili nia direitu sufrajiu.

“Atu konkretiza direitu tomak neébe hatur ona iha konstituisaun neé,estadu liu husi Parlamentu Nasional halo ona lei rua (2) maka hanesan lei No. 6/2006 kona ba lei eleitoral para Parlamentu Nasional neéb altera ho lei No 1/2012 Terceira Alterasaun lei ida seluk maka Lei No 7/2006 kona ba lei eleitoral para Prezidente da Republika neébe altera ho lei No 7/2012”Dehan Ministru Justica Dionisio Babo iha aprezentasaun neé.

Ministru Justica mos informa mos katak husi lei rua neé art 4 sidadaun hotu-hotu iha direitu atu goza nia kapasidade eleitoral kaundu iha idade 17 ba leten,atu ezerse direitu ba vota neé sidadaun iha obrigasaun ba halo inskrisaun iha resensiamentu eleitoral husi resensiamentu eleitoal neé mak foin bele hatene ema nain hira mak iha direitu atu vota.

“sidadaun ida neébe iha direitu ba vota eleitoal mak tenkei iha kartaun Eleitoral kazu ba sir aneébe la bele hatudu kartaun eleitoral iha loron eleisaun nian bele hatudu Bilhete Idintidade ou Pasaporte Timor Leste nian naran katak nia naran/dadus hakerek iha lista de vontantes”hateten MJ.