Dili, Vise Ministru Justiça Ivo Valente, ohin oras 12.00 ( 11/10/2013 ) ofisialmente taka Seremonia (workshop) ba Juizes, Prokuradores, Defensoria Publikus, Advogados, Funsionarius Publikus Ministeriu Justiça konaba oinsa investiga krimes sira konaba Breankeamentu Kapital noo financiamento terrorismo, programa ne hetan apoiu husi komunidade Internasional, hanesan NGO FOTI no USAID ( Governu Amerikanu).

Workshop ne halao durante fulan 3 nian laran, komesa 26 – 27 Jullu, 6 – 20 Setembro, 4 – 11 Outubru 2013 iha salau Centro Formasaun Juridika, loron 11- 10 – 2013.

Iha intervensaun Vise Ministru Justiça Ivo Valente, hafoin hahu serimonia enseramentu nebe hahu ho reza, tuir ho kanta ino nasional ( patria-Patria), haklake katak Governu Timor-Leste, agradece barak ba apoiu husi Estados Unidos Amerika nian, nebe liu husi FOTI/USAID, fo tulun hodi realiza seminario/workshop importante ne, hodi kapasita sektor Justiça Timor - Leste nian, nune mos akresenta importansia husi formasaun ba formandos/nebe nudar autor justiça Timor oan, katak, importante atu manan experiencias iha servisu nudar matenek, maibe formasaun noo konese normas legais eskritas nebe aplikavel importante tebes atu bele ezekuta funsaun ho diak, professional.

Iha Evento ne, hetan mos intervensaun Adjunta procuradora geral RDTL, Dra. Zelia Trinidade, Dra. Marcelina, nudar Directora Centro Formacao Juridica, noo Director FOTI, nebe reprezenta mos USAID.

Vise Ministru Justiça, akresenta liu tan, katak iha futuro sei percisa kolaborasaun nebe diak, forti, hodi mos hare possibilidade atu fo apoiu ba formasaun iha typo krimes sira seluk, hanesan Trafiko ema/labarik, etc,..nune mos informa katak..atu hahu implementa lei nee ho diak, percisa iha koperasaun Judiciaria entre paizes sira, koperasaun bilateral/multilateral importante ba Timor - Leste, no lei Extradisaun.

Cerimonia nee termina ho Almosa hamutuk, no fila hikas ba servisu iha oras 14.00.