RELASIONA Públiku ante projektu ba lei rai nian ne’ebé hala’o iha distritu Ainaro Kinta, (30/07) no Aileu Sesta (31/07) foin lalais ne’e, komunidades ejiji atu atu programa refere tenki hala’o to’o baze.

Hatan ba ejijensia komunidade sira nian, Ministra Justisa, Lúcia Maria Brandão Freitas Lobato hateten, konsulta publiku remata sei aprezenta ba iha Konsellu Ministru (KM) no Parlamentu Nasional hodi Aprova hafoin ekipa tekniku sira tu’un to’o baze hodi halo sosializasaun.

Ministra hateten, hasoru malu entre komunidade ho membru governu hanesan intrese ema hotu nian ho povu tomak nian ba rai iha Timor Leste (TL).

Eis deputada neé hateten, durante halaó konsulta públiku iha distritus komunidade sempre kestiona konaba ema estranjeiru ne’ebé registu hanesan ONG maibe halaó aktividades relijiaun nian.

‘’Hau sempre hateten fila-fila ona katak, wainhira ita registu nudar ONG, tenki hala’o aktividades tuir ONG nian lalos hala’o fali aktividades relijiaun nian.”

Ministra mos hateten, konsulta públiku refere remata no hetan ona aprovasaun husi PN ministeiru sei kria hikas ajenda hodi hala’o fali sosializasaun.

Hanoin no imput ne’ebé durante konsulta Públiku hato’o hosi komunidades, tuir ministra hanoin no imput sira ne’eiha futuru sei regula no expailla iha komunidade nia le’et.

Konsulta publiku ba dane’en (6) iha Distritu Ainaro no dahitu iha Aileu tuir ministra importante tanba tim tekniku sira presiza atu rona komunidades nia lian.

Konsulta Públiku preszia atu rona ema hotu nia lian hodi define saida mak importante hodi tau iha lei ne’e nia laran nune’e bele hetan aprovasaun iha Konsellu Ministru (KM). dehan Ministra.

Hanoin hanesan hato’o hosi Administrador distritu Ainaro no Aileu katak, autoridades lokais inklui mos komunidades iha distritu hetan oportunidade diak hosi partisipa atu hadia draft lei ne’ebé halo konsulta Públiku.

Nune’e oportunidade refere tuir Administradores sira hanesan osamean, tanba komunidades bele fo sira nia hanoin no kontribuisaun hodi hadia draft lei refere.

Hau bele hateten katak, ne’e hanesan esporsu bo’ot ne’ebé IV governu Konstitusional hala’o liu hosi lei ne’ebé iha hodi hadia ema hostu nia moris.” Hateten Administrador Distritu Aileu.

Haree ba problema dai ho baliza ne’ebé durante ne’e sempre akontese iha baze, Komunidade sira husu ba governu liu-liu ministeriu justisa atu kria ona lei ida hodi sukat haree ida-idak nia baliza.

Tanba selae, tuir sira komunidade hosi suku seluk bele ba submete fali iha ema hosi suku seluk nia area.

Ananias Babo Horta
Media Officer Ministerio da Justisa.
No Kontaktu : (670) 7348624
Por Ananias Babo Horta