MINISTRU Justisa (MJ) hamutuk ho Sekretáriu Estadu Terras Propriedade (SETP) iha loron 7 fulan-Outubro 2013 foin lalais ne’e fó posse ba Diretór Terras Prpopriedade no Servisu Kadastrais (DTPSC) Distritu nian na’in 2 no Xefe Departementu hosi direisaun Nasionál Terras Propriedade na’in 5.

Diretór distritu rua ne’e maka hanesan diretór distritu Manatuto Antonio Cárceres no Direitór distritu Suai, Afonso Gusmão, inklui mós Xefe Departementu sira iha Terras Propreidade nian maka hanesan Xefe Departementu Administrasaun Finansas DNTPSC, Paulino da Cruz, Xefe Departementu Cartográfia DNTPSC Jaime Dias, Xefe Departementu Disputa de Terras Rodrigue Mendonça no Xefe Departementu DABIE, Inacio Cabral.

Iha seremonia tomada de posse hodi re-entrega mós kargu xefia ne’e, SETP Jaime Xavier Lopes hateten, sai diretór distritu no xefe departementu iha diresaun nia laran labele halo-an hanesan ema boot, tanba sai xefe no direitur tenki sai mós hanesan atan.

“Ha’u mós husu ba funsionáriu sira tenki respeita no hakruuk ba sira nia xefi departementu no direitur sira, nune’e tenki iha mós kordenasaun servisu ne’ebé di’ak entre xefi no nia funsionáriu sira,” dehan Jaime.

Iha fatin hanesan Ministru Justisa, Deonisio Babo mós husu ba diretúr no xefe departementu sira tenki hatudu sira nia matoridade servisu ne’ebé di’ak ba sira nia funisonáriu, nune’e tenki hatudu mós bontade servisu.

Tanba tuir Ministru, hanesan xefe departementu no diretur distritu sira nia servisu tenki hatudu sira nia loialidade ba iha superior sira, nune’e mós tenki iha kordenasaun servisu ne’ebé di’ak entre diretur, xefe departementu ho nia funsionáiru sira.

Iha biban ne’e, Ministru, Vise Ministru justisa inklui mós sektretáriu Estadu Terras Propriedade hato’o parabens no agradesementu ba direitur direitu foun no xefe departementu foun sira, hodi husu ba sesante sira atu iha kordensaun servisu ne’ebé di’ak ho diretór disteitu no xefe departementu foun sira.

Seremonia entrega servisu ne’ebé hetan partisipasaun hosi Ministru Justisa, Deonisio Babo, Vise Ministru Justisa, Ivo Valente, Sekreáriu Estadu Terras Propriedade, Jaime Xavier Lopes, Diretór Jerál Ministériu Justisa Francisco Cárceres, Inspetór Jerál Ministériu Justisa, Henrique Ximenes inklui mós funsionáriu tomak Sekretariadu Estadu Terras Propriedade nian.