DILI- Hatan ba evolusaun iha komunidade nia let ne’ebé dínamiku no komplexu tebes, husi tempu ba tempu, inklui mos problema konaba trafiku no kunsumu droga iha rai laran, Ministério da Justiça foti politika atu regula asaun hirak ne’e iha lei espesifiku ida ketak.Lei ne’e maka Lei Kontra Droga ne’ebá atu hodi kompleta liu tan ita nia Código Penal.

Ba ida ne’e, hanesan ita hotu hatene katak, MJ hatama ona esbosu lei konaba Kontra Droga nian ba Conselho do Ministros, iha fulan ida liu ba, atu nune’e iha apresiasaun no aprovasaun ba proposta lei ne’e molok atu haruka ba Parlamento Nasional.Lei ida ne’e importante tebes, ho ida ne’e tengki iha mos konhesimentu ida luan husi komunidade.

Tamba ida ne’e, iha fulan Setembru 2013 liu ba, Departamento Política Legislativa husi DNAJL organiza diskusaun publiku ba proposta lei refere. Diskusaun ba dahuluk hala’o iha Dili, ne’ebé lidera direitamnte husi Sr. Ministro da Justiça.

Hafoin ida ne’e, iha loron 20 Setembru 2013, ekipa lejislador DNAJL halo mos konsulta publiku hanesan iha Distrito Covalima, Suai. Atividade hanesan kontinua mos ba Distrito Bobonaro, Maliana, iha loron 27 Setembru 2013.

Durante konsulta publiku ne’e, komunidade kontinua nafatain ezizi ba Governo atu halo sosializasaun maka’as ba lei refere, liu-liu konaba forma husi droga ne’e rasik. Aleinde ne’e, kestaun importante seluk maka hasa’e konhesimentu rekursu humanus autoridade sira nian, atu bele atende kazu droga ne’e.

Tuir Direitor DNAJL, Sr. Nelinho Vital katak: “konsulta publiku ne’e importante tebes, tamba atu hetan mos partisipasaun husi komunidade rasik ba prosesu elaborasaun lei ida. No ba lei ida ne’e (droga, red.), hili distritu sira iha fronteira hanesan fatin prioridade ba konsulta lei nian, maka hanesan Suai, Bobonaro no Oecusse”. Husi komunidade nian hanoin hirak ne’e, sei sai mos hanesan input ida ne’ebé atu hetan konsiderasuan mos husi lejisladro sira”.

Atividade konsulta publiku ne’e, tantu iha Suai nomos Bobonaro hetan partisipasaun mazimu husi lider komunitariu sira inklui autoridade loka hanesan PNTL, linha sektorais iha Distrito, inklui relijioza sira.

@Florindo-DNAJL