DILI-Ministru Jusitca,Dionisio Babo halo lansamentu ba sistema Integradu jestaun ba informasaun (IIMS) neébe organiza husi parseiru Internasional AUSAID liu husi Justice Facility hodi estabelese sistema IIMS hodi ajuda servisu seitor justica nia iha Timor Leste ho diak liu tan iha futuru.Tuir Ministru Justica,Dionisio Babo iha diskursu hateten katak Timor Leste hanesan nasaun ida neébe sei joven foin mak ukun aán maibe hare ba seitor jusitca komesa abansadu ona liu husi parseriu internasional sira neébe durante neé sempre fo apoiu makas iha seitor justica iha Timor Leste no ohin loron konsege estabelese sistema Integradu Jestaun ba Informasaun (IIMS) iha Timor Leste neé hanesan ondra boót ida ba Timor Leste hodi sai hanesan modelu neébe diak ba nasaun sira seluk.

“Sistema IIMS ida neé inportante tebes ba Timor Leste hodi ajuda servisu seitor justica nia iha Timor Leste liu-liu atu bele konserva didiak documentus inportante iha seitor Justica e mesmu tempu fasilita mos linha kordenasaun neébe diak liu entre instituisaun justica nian hanesan Tribunal,Ministeriu Publiku,Defensoria Publiku,ho Polisia neébe mak hola parte iha seitor justica nian”Dehan Ministru Justica,Dionisio Babo haofin halo diskursu iha Lansamentu IIMS iha Hotel Timor Kuarta Feira (2/10).

MJ mos informa tan husu nafatin tulun ba parseriu internasional AUSAID liu husi Justice Facility atu bele fo apoiu nafatin finanseiru iha sistema ida neé atu nune bele fasilita nafatin servisu justica nai iha Timor Leste hotu lao ho diak no lais iha futuru mai.

Iha fatin seluk Prezidente Tribunal Rekursu Claudio Ximenes hateten mos katak ohin ita mai iha neé atu halo lansamentu ba sistema integradu tamba sistema ida neé inportante tebes atu ajuda instituisaun justica nia iha Timor Leste atu halo servisu ho professional no bele disidi desijaun ho lais.

“sistema ida neé laos nia mak atu halo servisu maibe ita ema rasik mak sei esforsu aán nafatin atu uza sistema modernu ida neé atu nune bele fasilita ita nia servisu ho professional no lais liu iha futuru”Dehan Claudio Ximenes
Iha lansamentu neé partisipa husi Ministru Justica,Dionisio Babo,Prezidente Tribunal Rekursu Claudio Ximenes,Procurador Jeral da Republika Jose Ximenes,Vice Ministru Justica,Ivo Valente,Defensoria Publiku Jeral Sergio Hornai, Juis administrador Distritu Dili Duarte Tilman,no reprezentante Emabaixador Australia nia ba Timor Leste e korpu dipolomatiku sira hotu iha Timor Leste.