Timor-Plaza, Pizu 5, Dili, Vise Ministru Justiça, Ivo Valente hamutuk ho dirigentes Instituisaun Justiça sira seluk, hanesan Presidente Tribunal ba Rekursu, Procurador Geral Republika, Defensor Publico Geral Timor-Leste nian, sorumutu ho UNDP/ PNUD, nebe reprezenta husi Sra. Ana Graca ( nebe mai husi Bangkok), hamutuk ho UNDP Timor-Leste, halao reuniaun, iha Loron 1 de Outubro de 2013, oras 10.30 too 12.30.

Reuniaun ida nee, ho objectivu atu rona aprezentasaun ba proposta UNDP nebe atu fo apoiu ba sector Justiça timor-leste nian ba tinan lima oin mai, hahu tinan 2014 too 2017, iha reuniaun nebe halao iha situasaun amigavel, tamba autores judisiarius Timor –Oan sira konese diak ona reprezentante PNUD husi Bangkok, nudar pareseiro kleur ona servisu hamutuk, hatudu oinsa sektor justiça bele avansa ba dezenvolvimentu.

Iha intervensaun Vise Ministru nian, husu ba agensia internasional ida nee, atu fo apoiu sira, tenke/deve hare impaktu positivu ba komunidade ka sosiedade Timor-Letse, fo hanoin ba PNUD katak, laos deit apoiu ba Tribunais, ka Procuradoria deit mak essensial ka importante, maibe mos apoiu sira ba Defensoria Publika atu garante assessu ba Justiça sai prioridade governu iha tinan hira oin mai, nune mos oinsa reforsa Dirasaun Terras e propriedade, liu-liu iha area legislasaun, no mediasaun atu redus konflitu/ ka disputa ba rai iha povu nia leet.

Katak iha baze fundamental atu atingi metas sira iha planu estrategico sektor Justiça nian, Vise Ministru husu mos apoiu ba estabelesimentu sekretariadu tekniku ida iha Director Geral MJ nian mahon, hodi bele kompila no monitoriza ezekusaun planus husi kada dirasaun sira iha MJ, hodi banati tuir planu estrategico no planu assaun annual, nebe MJ tenki atingi too tinan 2030 oin mai.

Nudar politika ba linhas gerais Estado Timor- Leste, hodi alkansa objectivu Timor oan nian nebe hakerek ona iha konstituisaun RDTL artigo 6.
Sorumutu ne mos fo oportunidade ba kada dirigentes husi instituisaun Estado iha sektor Justiça hodi halao sira nia intervensaun.