DILI-Ministru Justica,Dionisio Babo loke abertura ba Seminariu Nasional neébe organiza husi Sekretariu Estadu Teras e Propriedade hodi halo re-estruturasaun ba servisu Diresaun Nasional Teras e Propriedade (DNTP) iha futuru,reiniaun neé halaó iha salaun SETP Bebora Dili Segunda Feira (30/09).

Tuir Ministru Justica,Dionisio Babo hateten katak katak seminairu ida neé sai hanesan ejersisiu boót ida ba Ministeriu da Justica liu-liu ba Diresaun Nasional Teras e Propriedade tamba bele halo re-estruturasaun hodi bele atinji metas ne’ebe V Governu Konstituisional liu husi Politika Ministeriu Justica nian neébe planeadu ona.

“Parabens ba ekipa trabalhu ida neébe durante neé servisu makas tebes hodi prepara ba Re-Estruturasaun ba Diresaun Nasional Teras e Propriedade atu nune bele fo prestasaun servisu diak ba ita nia rai liu-liu ba ita nia povu iha paiz ida neé”Dehan Ministru Justica hafoin loke abertura ba Seminar Re-Estruturasaun.
Ministru Justica mos informa mos katak ita koalia kona ba Re-Estruturasaun koalia mos kona ba frakeja ou obstaklu sai mak durante neé ita hosoru tamba neé seminariu ida ohin inportante tebes ba Direitur Nasional no Chefe Departamentu e mos ba teknico sira atu bele hanoin neébe kritiku tebes ba seminariu ida neé.

Iha fatin seluk Vice Ministru Justica Ivo Valente hateten katak objektivu halo Re-Estruturasaun ida neé konserteza iha buat foun ruma mak ita presija atu halo iha futuru,objektivu principal Ministeriu Justica iha Diresaun inportante tebes iha V Governu Konstituisional mak SETP.

Iha fatin seluk Ministru Administrasaun Estatal Jorge Teme mos infoma katak asuntu rai ohin loron sai komplikadu tebes iha ita nia rai,e laos deit iha Timor Leste maibe iha mos rai seluk iha Mundu tamba neé SETP nia papel inportante tebes atu bele servisu hamotuk ho Administrador Distritu sira hodi bele resolve problema kona ba rai neébe ohin loron sai prekupasaun boót iha ita nia rai doben ida neé.

Iha seminariu Re-Estruturasaun neé Partisipa husi Ministru Justica Dionisio Babo,Ministru Administrasaun Estatal Jorge Teme,Ministru Obras Publiku Gastao Souza,Vice Ministru Justica,Ivo Valente,Sekretariu Estadu Terras e Proriedade Jaime Xavier ho DIreitur Nasional husi Ministeriu Justica tomak e funsionariu DNTPC.