DILI-Ministru Justica,Dionisio Babo sai orador ba II kongresu Associasaun Nasional Musica de Timor Leste (Almamor) associasaun ida neé hanesan mahon ida ba knanauk oan sira neébe namkarik iha rai doben ida Timor Leste hodi halibur fila fali sira hotu neébe iha telentu liu-liu iha muzika nian.

Tuir Ministru Justica,Dionisio Babo iha aprezentasaun hateten katak agora dadauk Timor Leste sei dauk iha lei rasik kona ba direitu propriedade intelektual neé maibe iha Planu Asaun Annual (PAA) 2014 Ministeriu Justica nian hatur ona mos asuntu neé hanesan programa neébe atu realiza iah tinan oin main.

Iha artigu 1223 Codigo Civil fo dalan atu kria lei espesifiku ida hodi regula kona ba direitu propriedade intelektual neé maibe banhira Timor Leste seidauk iha lei rasik,Timor Leste sei aplika lei anterior (Lei Indonezia nia ) tuir regulamentu UNTAET no 1./1999 ,alende ida ne’e iha mos artigu 303 Codigu Penal neébe koalia liu kona ba falsifikasaun,mesmu ita sei dauk hatur lolos falsifikasaun iha propriedade intelektual nian,Tribunal labele halo interpretasaun paralela ka interpretasaun legal seluk bahira ema neé halo duni falsifikasaun.

“tamba neé kuandu iha krime hasoru propriedade intelektual falsifikasaun ou kopia sem hetan autorizasaun husi ema nia nain rasik neé hanesan krimi tamba neé lei subsidariu lei Indonezia UU no 12/1997 hodi hateten ne sei hetan kastigu ou multa”Dehan Ministru Jusitca,Dionisio Babo hafoin sai orador ba II gongresu Almamor iha Paroquia Balide Kuinta (26/09).

MJ mos informa mos katak lei protesaun ba direitu intelektual propriedade neé sai hanesan mos lei ida neébe importante tebes banhira Timor Leste adere ona ba organizasaun ASEAN nian iha futuru.

“ba organizasaun ALMAMOR ne’bee focus liu ba iha musika ida neé hanesan tama iha kategoria hak Cipta dan kekayaan ou (Copyright and Neighboring Rights In Proppery ) ” dehan MJ.