Edifiçio Ministru Justiça, Ivo Valente simu vizita kortezia, husi reprezentante UN Women husi regional Bangkok / Thailandia, Directora Regional ba Asia Pasifico, Sra.Roberta Clarke, sorumutu nee, marka mos prezensa Sra.Janet Wong, Country Reprezentative iha Timor-Leste.Iha Diskusaun nebe foka ba papel UN Women em geral, koalia assuntus nebe relasiona ho Justiça, liu-liu assessu feto ba sira nia direitu, Sra.Roberta explika katak papel UN Women , krusial ba feto nia vida iha regiaun ida ne, nune akompanha servicos Timor-leste, oinsa promove direitu feto nian, agencia Nasaun unidas nee mos refere koperasaun entre Ministeriu Justiça no agencia Internasional. Iha oportunidade nee, Vise Ministru Justiça, refere assunto legal nebe Konstituisaun RDTL hatur, no informa ba reprezentante nee, katak iha Timor – Leste, hahu kedas husi konstituisaun hatur kedas igualdade entre feto ho mane, nune mos lei oan sira seluk garante direitu hanesan entre feto noo mane.

Vise Ministru Justiça mos refere e agradese apoiu UN Women durante tempo nee, nebe sempre apoiu Ministeriu Justiça iha preparasaun ba legislasaun ruma, eix, konkreto maka, opiniaun agencia ne nian ba prepara lei rai nian, nebe hatur direito feto Timor oan nian hanesan mos mane, atu iha direitu ba rai ka propriedade / uma hanesan.

Ministeriu Justiça, mos husu nafatin apoius ba agencia internasional ida nee, atu kopera nafatin iha Sector formasaun ka kapasitasaun centro Formasaun Juridika.