DILI – Relasiona ho ema estranjeirus ne’ebe mak agora dadun komesa okupa rai bar-barak iha Timor sai prekupasaun boót ba sidadaun Timor Leste laran tomak, liu-liu sidade Dili.

Tuir Ministru Justisa, Dionisio Babo, haten katak ita nia konstituisaun RDTL garantia ona katak so ema Timor oan deit mak iha direitu atu bele sai nain ba rai,ba ema stranjeiru la iha direitu atu bele sai nain ba rai iha Timor Leste tamba neé husu ba sidadaun Timor oan tomak atu labele faán rai arbiru ba ema estranjeiru.

“Tuir Lei so ema Timor oan deit mak bele sai nain ba rai tanba ne’e ita labele hakfodak atu fa’an rau tun sae ba ema estranjerus sira ita tenke prejerva didiak no hare dokumentus sira ne’e rai didiak sei rai ne’e ita nian tenke hare didiak no se rai ne’e estadu nian tenke ba regularija ho estadu no sei rai ne’e ema seluk nian ita labele halo problema maibe buka hodi rejolve didiak,” dehan Ministru Justisa Dionisio Babo,Sabdu neé iha Lecidere (21/09)

MJ mos hatutan tan katak laos problema fa’an rai deit ba ema estranjeiru maibe husu mos ba sidadaun Timor oan hotu ne’ebe mak halo uma arbiru deit iha area tasi ibun no rai estadu nian atu regularija lalais.

“Hau (MJ) husu ho respeitu tomak ba komonidade tomak atu labele halo tan uma iha baleta leten sira, tasi ibun liu-liu iha tasi tolu tanba rai ne’e estadu nian, tuir Lei No 1/2003 ne’ebe mak halo tiha ona no iha lei ne’e hatete katak ita tenke hamamuk fatin public sira ne’e kuandu estadu persija tanba ne’e labele naran ba halo uma arbiru deit tanba kontra ona Lei dala ida tan hau apela tanba Dili ne’e sei sai capital ba nasaun Timor Lestas nian, labele Dili sai fali capital fahi no manu nia luhan,” hatutan Ministru Justisa.

Ministru mos salienta tan katak agora dadaun sira servisu hamutuk ho Teras Propriodidade, Obras Publi, Distritu Dili, nomos Polisia Nasional Timor Leste (PNTL) hodi kria ekipa Taks Force ida atu halo pasa revista ba ema estranjeiru sira ne’ebe mak sosa rai iha Timor sei foti fila fali tanba so ema Timor oan deit mak bele sai nain ba rai Timor.