Vise Ministru Justiça, Sr. Ivo Valente, hafoin halao vizita de servisu iha Distritu rua, Ainaro noo Suai, loron 11 de Setembro de 2013, iha loron 12 de Setembro, hafoin vizita Defensoria Publika distritu Covalima, iha Suai, hodi hare kondisaun edificio Defensoria Publika nee, noo almoca hamutuk ho Defensor Publiku sira, oficial justiça Defensoria Publika nian iha Rezidensia Defensor Publiku iha Suai, kontinua nia servisu tuku 16.00,

iha oportunidade nebe diak hodi vizita mos antigu prizaun Suai, nebe lokalizadu besik Defesnoria Publika, nudar Prizaun nebe governo Indonezia husik hela, hare no observa husi besik konstrusaun nebe tuir planu sei hahu loke prosesu tenderizasaun iha tempu besik hodi rehabilita prizaun ne, tamba hare ba planu estrategico sektor justiça nebe mos kontempla dezenvolvimentu dirasaun nian, nune mos hare ba kapasitasaun husi prizaun 2 nebe existe, iha Becora / Dili no Gleno Ermera.

Vizita ba prisao Suai, akompanha husi Chefe gabinete VMJ ho director prisao Dr. Helder Belo. Vizita ida ne iha oportundade mos atu koalia ho sidadaun balun nebe rezide / hela iha aredores / ka uma ba guarda prizaun sira nebe okupa husi sidadaun ruma. Hamutuk ema nain 7, Vise Ministru informa ba sira konaba planu governo hodi hari fila fali prizaun suai, no husu ba sira atu kontribui mos ba dezenvolvimentu rai Suai, atu kopera ho Ministeriu Justica, no la difikulta prosesu kontrusaun prizaun ne !
Loron de servisu nee, remata ho vizita fatin / fontes minarai iha Suai Loro, hare mos komunidade sira nia aktividade iha tasi ibun.