Vise Ministru Justiça, Sr. Ivo Valente, iha loron 10 too 13 de setembro 2013, hamutuk Chefe Gabinete VMJ, Sr. Julio Tilman halao visita servisu ba distritu 2 hodi hare besik servisu iha dirasaun 2 ( Registu Civil noo Terras Propriedades), Visita ida ne ho objectivo :
1). Informa lalaok servisu iha nivel Nasional no hare besik difilkudades ka identifika desafius, funsionarius MJ hasoru iha terenu.
2). Oinsa planu MJ ba servisu administrativos, liu – liu mekanismu no regras ba ezekusaun orsamentu ba dirasaun distrital sira ( linha koordenasaun administrativus entre distritus e dirasaun central ).
3). Vizaun konaba implementasaun politik nasional hodi implementa planu assaun anual MJ nian, nune mos konsidera hanoin ruma ba preparasaun distrital hodi transforma ba municipio iha tinan balun oin mai.
Sorumutu ne partisipa mos Administrador distritu Ainaro Sr. Manuel Ramos Pinto, ho funsionarius publiku husi dirasaun rua hanesan, Rigisto Civil, funsionarius permanente 6, director Sr. Bendato Nezio Corte Real noo Terras Propriedades, funsionarius permanente 5, casuais 12 director Sr. Filomeno da Silva, sorumutu ne halao iha oras 12:25 no termina 15: 10, depois almoso komutiva Vise MJ halao viagem liu ba suai.

Loron 11 de setembro 2013, oras tuku 9:00, Vise Ministru Justiça Sr. Ivo Valente halao sorumutu ho dirasaun 2, ( Rigisto Civil funsionarius permanente 5, director Sr. Antonio Cardoso noo Terras Propriedades funsionarius permanente 5, casuais 11 director interino Sr. Ilidio Santos, vizita ba dirasaun 2 nebe iha Suai iha sala DNTP. Sorumutu ne Vise MJ fo esplanasaun konaba objectivo vizita noo, husu atu kúmpri regras nudar FP, no kúmpri mos regras ba ezekusaun orsamentu nebe aloka ba distritus hanesan Imprest Fund no Pety Cash.
Vise Ministru Justiça, Sr. Ivo Valente mos hare besik kondisaun edificio foun DNTP noo DNRN nebe halo tinan 2009, no hare posibilidade atu apoia distritus rua nebe Vise MJ halo vizita ba, ho transporte balun hanesan motorizada atu aloka ba distritu rua ne, atu fasilita servisu sira iha terreno.
Iha parte lokraik Vise Ministru Justiça, Sr. Ivo Valente sei halao vizita ba prisao antigo suai atu hare kondisaun atu halao rehabilitasaun nebe sei hahu iha tinan ida ne.