MINISTRU Justisa (MJ), Deonisio Babo iha loron 10 fulan-Setembru 2013, foin lalais ne’e hala’o enkontru ho Diretór no Xefe Departementu sira hosi Sekretáriu Estadu Terras Propriedade (SETP) nian hodi ko’alia kona-ba servisu terras propriedade nian iha sala reuniaun Ministeiru Justisa kaikoli Dili.

Durante enkontru ne’e, Ministru Justisa liu hosi ninia intervensaun hateten, haree ba kontestu agora maka hanesan ema halo uma abrbiru iha fatin públiku sira iha dili laran.

Haree ba kestaun ne’e terras propriedade tenki fó atensaun ba iha ema sira ne’ebé maka okupa fatin publiku estadu nian hodi halo uma la tuir regra, nune’e ba ema sira ne’ebé halo uma iha fatin públiku estadu nian tenki halo notifikasaun hodi hasai hotu.

Ministru ne’e salienta mós, tinan oin-mai Timór-Leste (TL) maka sei sai hanesan uma nain ba enkontru internasionál CPLP nian ho ida ne’e teni halo manutensaun seguransa ba orden publiku, hanesan uma iha estrada ninin sira tenki fó notifiksaun bainhira sira halo um arabat liu ba Estrada publiku.

Iha enkontru ne’e MJ mós husu ba dirijente Teras propriedade nian hodi halo mós notifikasaun ba fatin sira iha Dili laran liu-liu ba fatin sira ne’ebé maka tuir planu governu nian atu loke tan Estrada alternativu.

Iha enkontru ne’ebé hetan partisipasaun hosi Diretur Jerál Ministériu Justisa, Diretór DNTPSC, Diretór DTPSC, no Xefe Departementu sira iha DNTPSC ne’e, Babo husu mós ba Terras Propriedade atu halo notifikasaun ba komunidade sira ne’ebé maka okupa rai estadu iha area tasi-tolu rai hun (kampo halai motor kross nian no area sengol bidau inklui mós sira nee’ebé halo moru iha dalan tama ba merkadu komoro.

Tanba tuir ministru, dalan tama ba merkadu komoro iha tempu indonezia kedas la iha ema ida maka reklama dehan fatin ne’ebá ninian, tanba fatin iha dalan atu tama ba merkadu komoro ne’e hanesan fatin publiku ba estadu niain.

Durante enkontru dirijente terras propriedade nian sira mós husu ba MJ atu kria baze legal ida hodi hasai ema sira ne’ebé halo uma besik liu Estrada, inklui mós halo uma besik liu ba mota *