Dili- Maske estadu Timor leste sei prosesu atu sai membru Asean iha tempu badak maibe provedor Direitus Humanus no justisa (PDHJ) sai ona Membru South East Asia national Human Rights Institution Forum (SEANF) iha tinan 2010.

Relasiona ho PDHJ nebe sai ona membru SEANF iha tinan 2010 tan nee’e PDHJ organiza enkotru Anual ba South East Asia national Human Rights Institution Forum (SEANF) iha Hotel Timor hodi koalia kona ba Ekonamia no mos Vialasaun Direitus umanus nebe Akontese iha nasaun membru SEANF.

Iha fatin hanesan Ministru Justisa Dionisio Babo katak iha enktru nee’e partisipante sira mai husi nasaun South Asean nian nebe foka liu ba direitu labarik sira nian, feto nia direitu inkliu mos dezemvolvimentu ekonomia nebe la fo vantazen ba ema seluk.

“Dezemvolvimentu nebe komesa lao presiza fo mos atensaun ba iha violasaun direitus Humanus tamba dezemvolvimentu nebe mak iha fo mos impaktu ba ita nia sosiedade balun tamba neee ita revizita fila fali,” dehan Dioniso.

Nasaun hirak nebe mak sai ona membru South East Asia national Human Rights Institution Forum (SEANF) hanesan Filipina, Malaysia,Indonesia,Thailandia no Timor Leste nebe koalia liu kona ba Direitus Humanus.

Remata enkotru provedor Direitu umanus no justisa Sebastiao Dias Ximenes hatete maske estadu Timor leste seidauk sai membru Asean PDHJ nebe hanesan Institusaun nasional Direitus Humansu tama iha Instisaun direitus Umanus Asean ninian.

“Ita PDHJ tama hanesan membru ba SEANF iha 2010, tan nee’e 2012/2013 PDHJ mak lidera ou sai prezidente ba furum ida nee’e, ho nune mak ita realize ekontru Anual ida nee’e hodi hetan partisipa husi membru institusaun direitus Humenus Sudestiku Asean ninian,” dehan Sebastiao ba Jornalista Tersa (10/09/2013) iha Salaun Hotel Timor.

Nia hatutan PDHJ nebe mak sai ona membru Asean hanesan loka ona dalan ba timor Leste atu sai membru ba organizasaun Asean ninian tan nee’e liu husi PDHJ Asean bele koinese realidade iha nasaun Timor Leste.

Asuntu importante nebe koalia iha Ekontru nee’etuir Sebastiao katak koalia liu ba Asean ninia ekonomia ohin loron nebe iha relasaun ho direitus humanus, kapasidade ekonomia Timor Leste oras nee’e inkliu mos servisu hamutuk entre Institusaun hotu hodi rejolve violasaun Direitus Umanus mosu iha ida-idak ninia nasaun.

Nune mos tuir Vice Prezidente Parlamentu Nasional Adriano do Nacimento katak enkotru nebe mak halibur nasaun SEANF inkliu mos SEANF fo fiar ba PDHJ Timor Leste atu lidera tan maske Estadu Timor leste Sei prosesu atu sai Membru Asean.

“Ekontru nebe mak iha hanesan pasu ida ba ita nebe hetan fiar tan nee’e ita hein katak sir abele suporta ita nia estadu hodi bele halais ita nia prosesu atu sai membru Asean, ita luta direitus humanus Asean nee’e ita luta hamutuk hodi redus violasaun Direitus HUmanus,”dehan Adriano.