Edifiçio Ministeriu Justiça, Vise Ministru Justiça, Sr.Ivo Valente simu vizita husi UNICEF Sra.Antonia Laedeke, Sra.Cecilia Kline, Sr.Jacinto Belo, akompanha Directora Centro Formasaun Juridika Dra.Marcelina Tilman ho Assessor Internasional Dr.Carlos Costa iha sala reuniaun Ministeriu Justiça, kaikoli Dili, loron 05 – 09 -2013.Sorumutu ne Chefe UNICEF Sra.Antonia, entrega livros, hatoo informasaun ( Up-date) ba Ministeriu Justiça konaba koperasaun entre MJ ho UNICEF, entre assuntos balun maka prepara ona Modulo ka Manual ba ensino ba Formandos sira iha CFJ –MJ, atu sai nudar material ba aprendigagem juristas sira, nebe tuir hela formasaun, modulo ne iha ona tradusaun ba lian Tetum, konaba director labarik, justice Juvenil, kodiku labarik, konvensaun internasional konaba direitos Labarik, nune mos entrega proposta ba Mekanismo de koordenasaun ba servisu Justiça Juvenil, no kriasaun ba planu assaun nacional interministerial hodi hari ekipa ida nebe bele servisu hamutuk hodi protégé direito labarik iha Timor-Leste, kabe mos iha planu integradu nee, Ministeriu Justiça, Saude, Solidaridade Social, PDHJ, no seluk-seluk tan.

Nune mos hein Ministeriu da Justiça atu nomea Co-chair ida hodi reprezenta Ministeriu Justiça iha Mekanismo de planu assaun nasional nee, iha oportunidade hanesan entrega mos ba Vise Ministru Justiça Avaliasaun Justiça Juvenil iha Timor-Leste, konaba relatorio nebe indika numerus labarik nebe konflito ho lei.

Vise Ministru informa ba UNICEF katak sei fo atensaun ba assuntos sira nebe refere, sei informa no koordena ho Ministru ba Justiça hodi hare, solusaun ba questaun sira, hanesan proposta lei sira ba kodiku direito labarik, justiça juvinil, determina co-chair ba MJ, no manual nebe prepara atu hanorin husi Jurista Timor-oan ruma nebe iha kapasidade no experiencia iha area direito labarik.

Sorumuto nebe halao ho diak, hahu oras 15.30 termina iha 16.45.