Dili-Primeiru Ministru Interino,atual Ministru Justica,Dionisio Babo hateten katak edukasaun sai hanesan pilar inportante ba dezenvolvimentu nasional iha paiz ida neé, ohin hau reprezenta hanesan Primeiru Ministru interinu hodi mai loke worshop ida neé, Neébe orgaiza husi Ministeriu Edukasaun,.worshop neé halaó iha Timor Plaza Dili,Kuinta Feira (05/09).

Primeiru Ministru Interinu neé mos informa katak Ita espera katak ita sei ba hato avansus nebé ita halao ona durante tinan hirak liu ba, no hau konvensidu katak ho esforsu ita hotu nian, ita sei bele fo asessu edukasaun ba ema hotu, nebé ho kualidade iha ita nia rain.

“ Ita mós espera katak Parseiru Edukasaun Globál nian, grupu ida-ne’ebé kria espesifikamente atu ajuda nasaun sira atinji MDG #2, sei halibur hamutuk esforos hodi buka tan orsamentu atu apoia ita nian nasaun nia edukasaun tuir ita nia planu”Dehan Primeiru Ministru Interinu Dionisio Babo.

Workshop ida ohin hanesan loron ikus mak sei fo meio finál atu ita inkorpora ema hotu nia hanoin kona-ba dalan Timor-Leste nian atu hetan edukasaun ho kuantidade maibe ho kualidade ba ema hotu to’o 2015.

Atual Ministru Justica mos salienta tan katak Eventu ida ohin mos fo hanoin ba ita hotu, katak ita to’o ona iha ponto de situasaun ida nebé ita tenki muda-an hosi periodo nakukun passado nian (obscurantismo), nebé edukasaun sai nudar buat luxu ida ba Timor oan sira. Ita tenki hanoin katak, to ona tempo, ita gerasaun ida né fo forma foun ida ba perspektiva edukasaun, katak so ho edukasaun no rekursus humanos nebé diak, ho asessu ida branjente ba ema hotu, mak Timor Leste sei hetan moris diak.

“ Hau husu Ita-Boot sira hotu nebé tuir seminário ida né, sei uza oportunidade ida neé hodiak hodi analiza didiak, hanoin ho klean, no partisipa ho laran tomak, hodi bele kontribui hanoin diak neb’e sei kontribui ba enrequecimento ita nia edukasaun ida nebe diak, ho kualidade no ba ema hotu.”

Iha fatin seluk Ministru Edukasaun Benditor Freitas iha diskursu hateten katak worshop ida ohin atu diskuti hamotuk asuntu inportante liu-liu ba seitor edukasaun iha Timor Leste hodi tau hamotuk hanoin no ideia molok atu tau iha ajenda atu lori ba iha Nasoens Unidadas hodi disktu .