Dili-Defensoria Publiku Jeral Sergio Hornai aprezenta relatoriu vizita trabalhu iha fulan kotuk liu ba iha Brazil,no Mosambique,ba Prezidente Konselhu Superior Majestradu Defensoria Publiku atual Ministru Justica, Dionisio Babo,iha vizita trabalhu neé atu hametin tan koperasaun diak entre Defensoria Publiku Jeral Timor Leste ho Defensoria Publiku Brazil.Iha aprezentasaun neé Defensoria Publiku Jeral Sergio Hornai hateten katak vizita trabalhu neébe halaó iha Brazil durante semana rua nia laran neébe xefia husi Vice Ministru Justica Ivo Valente hodi hare besik serviços sector Justica iha Brasil, akresenta mos desenvolvimento nebe Timor -Leste atinji ona iha sector Justisa, ohin loron sektor Justisa Timor Leste lao diak, mesmo nune, persiza hadia nafatin kapasidade rekursus humanus (agentes, autor Judicial nian) iha TL, koperasaun ho Brasil barak ona iha área Defensoria Publika.

Defensoria Publiku Jeral mos informa katak vizita trabalhu neé mos Vice Minsitru informa mos ba governu Brazil atu fo kapasitasaun ba ofisial Justica nia iha Timor Leste liu-liu ba lingua Portugues.

Alende neé mos Defensor Publiku informa mos vizita trabalhu ba Mosambique hodi partisipa iha konfrensia Defenosira Publiku nia iha Mosambique ne’ebe xefia husi Ministro Justisa, Dionísio Babo, partisipa iha sorumutu ba dala III Instituisaun Publika iha Nasaun Lian Portuguesa nian (RIPAJ), iha sidade Maputo-Mozambique.

Sorumutu ne’ebé hala’o durante loron rua ne’e, diskuti asuntu oin-oin ne’ebé aktualmente afeta ba Estado Lusófonos konaba seitor refere, konta-mos ho intervensaun offisial Ministro Agrikultura ne’ebé reprezenta Sr. Primeiro Ministro Mozambique, Dr. Alberto Vaquina iha sessaun abertura. Durante sessaun abertura, Sra. Ministra Justisa Mozambiquena, Dra. Benvinda Levi, hato’o mos nia palestra ne’ebé fó benvimdo no kongratula partisipantes sira.

Hafoin sessaun abertura iha loron 25 Julho 2013, partisipantes sira halo analiza klean ba relatoriu atividade ne’ebé aprezenta nomos iha tempu hanesan haoo debate no aprovasaun ba “Akordo konaba Benefisiu husi Justisa Gratuita nomos Assistensia Judisial Integradu no Gratuita entre Membros RIPAJ nian”.