Dili-Prezidente Konselhu Majestradu Defensoria Publiku atual Ministru Justica,Dionisio Babo halo reiniaun ho Membru Konselhu Defensoria Publiku hodi halo avaliasaun ba servisu Defensoria Publiku nia durante neé,reiniaun neé halao iha Edifisiu Defensoria Publiku Jeral Maskarinha,Dili Sexta (29/08).
Tuir Prezidente Konselhu Majestradu Defensoria Publiku,Dionisio Babo informa katak reiniaun konselhu ida neé atu halo avaliasaun ba servisu Defensoria Publiku nian durante neé hodi fo asistensia legal ba ita nia povu sira iha Tribunal.

“Reiniaun konselhu ida neé inportante tebes ba Konselhu Majestradu Defensoria Publiku nia oinsa atu halo avaliasaun ba servisu defensoria publiku liu-liu ba atendementu ba ita nia komunidade sira hodi fo asistensia legal ba komonidade sira neébe la iha kbit banhira atu asesu ba justica”Dehan Prezidente Konselhu Majestradu Defensoria Publiku,Dionisio Babo.

Ministru Justica mos Informa mos katak atu halo avaliasaun ba servisu defensoria publiku hotu-hotu Konselhu Majestradu ida nee mos sei iha ekipa ida hodi halo avaliasaun extra ordinariu ida ba servisu Defensoria Publiku hotu-hotu depois lori mai iha konselhu hodi halo diskusaun molok hetan aprovasaun.

Iha fatin seluk Defensoria Publiku Jeral Sergio Hornai informa katak Konselhu Majestradu Defensoria Publiku ida neé hanesan orgaun normativu ida atu bele tau matan ba servisu defensoria publiku nia hodi halo avalia ba prestasaun servisu kada-kada Defensoria ida –ida nia iha sira nia servisu fatin.

“Konselhu neébe ita tau iha Distritu hodi hare defensoria publiku nia servisu konstituisional liu-liu ba prosesu kazu hira mak durante neé prosesu ona no kazu hira mak sei dauk prosesu hodi hetan dadus pleminaria”Dehan Defensoria Publiku Jeral.