Edifiçio Ministeriu Justiça, Vise Ministru Justiça Ivo Valente simu visita Delegasaun nain 4 husi Agencia koperasaun Brasileira (CAPES) iha salaun enkontru Ministeriu Justiça dia 28/08/2013, Delegasaun nebe mai ho ambito koperasaun hodi konkretiza servisus nebe Vise Ministru Justiça Ivo Valente halao ba Brasilia kapital brasil iha fulan Julho tinan 2013 liu ba. Iha Vizita delegasaun Timor - Leste ba Brasil, Vise Ministru husu apoiu ba Agencia koperasaun ida nee atu fo apoiu ba Formasaun quadros teknicos no Funsionarius Publiku Ministeriu Justiça nian atu forma sira iha Lingua Portugues.

CAPES nebe lidera husi Prof. Irian von Linsingen, ho membros balun nebe hetan malu ona iha Brasil, hanesan Dr. Alexandre Cohn da Silveira, etc, hatudu vontade forte atu apoiu kapasitasaun iha Lingua Portugues ba formandos no funsionariu publiku Ministeriu da Justiça.

Tuir enkontru nee, Vise Ministru Justiça Timor-Leste, husu atu CAPES fo apoiu hodi estabelese Laboratorio Lingua Portugues ida, nebe fatin / espaco preparado ona iha Centro Formasaun juridika, atu bele instala ekipamentus teknikus, no prepara materias ruma ba apredigagem, nune husu atu bele pelo menus ekipamentus nebe fo apoiu ba ema nain 15 ( sanulu resin lima), tuir planu sei hahu iha fulan setembro tinan 2013 nia klaran.

Hare ba urgencia preparasaun ba Lidera CPLP, Ministeriu Justiça husu mos nessesita preparasaun ba Funsionarius publiku sira atu konese di-diak prosedimentus protoko nebe sei halao iha tinan oin mai, husu mos atu Brasil bele apoia preparasaun ruma ba FP Ministeriu Justiça atu konese diak liu oinsa simu no hatoo liafuan sira iha enkotru sira CPLP tinan 2014.

Sorumutu ne, marka mos prezensa defensor publiku Brasil nian ida nebe oras ne dadauk halao hela funsaun iha Timor-Leste, nudar Inspector ba defesoria publika, Dr. Jaime. Enkotru ne termina oras 16.30.