Dili-Governu Liu husi Ministeriu Justica iha ona politika foun atu bele regula ba ema ne’ebe atu sai juiz tenke iha esprensia servisu iha Ministeriu Publiku,ho Defensoria Publiku mak foin atu bele sai Juiz.Tuir Ministru Justica,Dionisio Babo hateten katak Ministeriu Justica,iha ona politika foun atu bele kria lei ida hodi regula ba ema ne’ebe hakarak atu sai juiz tenke iha sprensia servisu ne’ebe naton liu-liu servisu iha Ministeriu Publiku ho Defensoria Publiku kleur mak foin bele sai Juiz.

“Iha futuru ema ne’ebe atu sai Juiz laos remata ona husi Univerisdade depois tuir formasaun Majestradu hotu tama kedan ba Juiz ne’e labele tenke ema ne’ebe iha sprensia servisu ne’ebe naton ona iha Ministeriu Publiku ho Defensoria Publiku mak foin bele sai juiz tamba iha sprensia ona kona ba foti desijaun ruma se lae nia bele iha domina materia maibe atu foti desizaun ba kazu ida ne’e sei labele tamba nia sei dauk ih sprensia kona ba ida ne’e”dehan Ministru Justica,Dionisio Babo iha Sala Reiniaun Ministeriu Justica,Caicoli Dili,Segunda (26/08).

Prezidente Konselhu Superio Defensoria Publika ne’e mos informa tan katak agora tempu to’o ona atu bele hare nia kualidade laos hare deit nia kuantidade maibe ita mos tenke hare ona kualidade servisu.

Iha fatin seluk Prezidente Tribunal Rekursu Claudio Ximenes mos informa tan katak politika ida ne’e diak tebes atu bele hadia servsiu Juiz nia iha futuru atu nune formandus ne’ebe foin mak remata nia kursu labele tama kedan ba Juiz pelumenus tenke iha sprensia servisu lai mak foin bele sai juiz.

“Formandus ne’ebe mak foin remata kursu iha CFJ hotu labele tama kedan ba iha juiz,nia bele domina ona material maibe oinsa nia bele foti desijaun ida ba kazu ruma bele ga lae tamba ne’e politika ida ne’e diak tebes iha futuru bele inplementa”Dehan Claudio Ximenes.

Iha fatin hanesan mos Precurador Jeral da Republika Jose Ximenes mos informa tan katak hau konkorda ho ideias husi Ministru Justica ho Vice Ministru Justica nia atu bele kria lei ruma hodi regula ba formandus sira ne’ebe tuir formasaun hotu atu lalika tama liu ba Juiz maibe pelumenus tenke iha lai sprensia mak foin bele ba iah juiz se lae sira foti desizaun ba kazu ruma sei projika ba seitor justica iha Timor Leste.