Dili-Reiniaun Konselhu Kordenasaun entre institisan estadu nia hanesan Tribunal Rekursu,Ministeriu Publiku,Defensoria Publika ne’ebe lidera husi Ministru Justica Dionisio Babo hodi koalia liu kona ba planu seitor justica nia iha Timor Leste.
Tuir Ministru Justica,Dionisio Babo iha reiniaun ne’e hateten katak objektivu reiniaun ida ne’e atu kordena hamotuk servisu entre instituisaun estadu nia liu-liu Tribunal Rekursu,Ministeriu Publiku,Defensoria Publiku hodi up date malu liu-liu kona ba servisu seitor justica nia iha Timor Leste.

“Reiniaun ida ne’e inportante tebes ba instituisaun hotu-hotu ne’ebe hola parte ba iha seitor justice nia oinsa mak bele up date malu kona ba servisu seitor justica nia iha Timor Leste tamba iha ema barak mak hateten katak justice iha Timor Leste sei dauk lao ho diak maibe ita rekonhese duni katak Timor Leste nasaun ida ne’e foun e tama iha faze de konstrusaun estadu nia maibe inportante mak instiuisaun ne’ebe hola parte iha Justica nia presija hamotuk hodi halo kordenasaun servisu”Dehan Ministru Justica Dionisio Babo,iha Sala Reiniaun Ministeriu Justica Caicoli Dili,Segunda (26/08).

Ministru Justica mos informa tan katak reiniaun ida ne’e fulan ida halo dala ida e mos bele halo derepenti deit banhira iha asuntu ne’ebe inportante atu bele koalia hodi diskuti hamotuk entaun la presija to’o fulan maibe derepenti bele iha reiniaun kordenasaun ida nee.

Iha reiniaun konselhu Kordenasaun ne’e Partisipa husi Ministru Justica,Dionisio Babo,Vice Ministru Justica,Ivo Valenti,Prezidente Tribunal Rekursu,Claudio Ximenes,Procurador Jeral da Republika,Jose Ximenes,Defensoria Publiku,Sergio Hornai.