Dili - Ministeriu Justisa liu husi Diresaun Nasional Assessoria Jurídica e Legislação (DNAJL) oras nee’e halao hela diskusaun ba draf lei droga nian hodi invole entidade sira hotu atu bele diskuti klean liu tan kona ba esbosu lei droga nia neébe agora dadaun DNAJL prepara no agora dadaun tama ona iha faze konsultasaun Publiku,
Tuir Ministsru Justica, Dionisio Babo hateten katak projeitu draf lei Droga nebe mak iha sei koalia kona ba krime organizadu, inkliu mos ema sira nebe mak serivisu iha institusaun Saude, Seguransa, Alfandega, lei nebe mak iha sei regula hotu ba instituisaun sira neébe kombate ba iha droga neé.

“ Aspeitu husi lei nee’e mak ema balun loke kios ou usaha sira seluk mak iha kotuk faan fali droga lei nee’e sei hanesan nia ho nia bisnis hotu halo nia too kiak kedas, tamba droga Estrada ita nia saude no mos ita nia jerasaun foun,” dehan MJ Babo.

MJ informa tan aktak Lei droga nebe mak iha sei fo aspetu rua mak hanesan prevensaun hodi servisu hamutuk ho institusaun hotu-hotu hodi prevende timor oan sira labele involve aan iha krime droga no represaun katak kuandu partisipa iha krime droga mak sei tama prizaun.

“”Ministeriu justisa fo importansia boot ba iha krime droga, no husu atu lei nebe mak iha pasa lalais tamba too oras nee’e ministeriu publiku la uza lei Timor ninian maibe uza fali lei Indonesia ninia hosi akuza sidadaun nebe mak komete droga.”
“ Esbolu lei nee’e minimu loron 100 masimu tinan 16 tamba ita nia konstitusaun labele fo kastigu pena de morte, ami prepara deit maibe sei hare took kaundu aumente too tinan 25 mos konforme,” hatete MJ Babo.

Iha fatin seluk Prokurador Jeral Republika Jose Ximenes katak, konbate krime droga perta ida husi programa prokurador zeral ninian, krime droga dadaun nee’e espaila iha mundu tomak hodi kauza saude familia, soseidade, inkliu mos institusaun demokratiku sira seluk.

“ krime droga krime nebe mak organizadu, tenki investiga didiak, presiza halo koperasaun ho azensia sira seluk, Timor leste nasaun Direitu Demokratiku kombate droga labele halo mesak deit, presija halo kopesaun iha nivel nasional,” esplika Jose.

Nia esplika katak Droga Ministeriu Publiku konsidera hanesan krime grave tamba krime organizadu, no mos droga lakoinese fronteira, lukru husi droga mos lalegal, krime droga lamosu mesak maibe sempre mosu hamutuk ho krime sira seluk hanesa trafiku umanu, brankamentu kapitais.