BETANO - Ministru Justica, Dionisio Babo akompania Prezidente Republika Taur Matan Ruak ho Primeiru Ministru, Kay Rala Xanana Gusmao,halo inagurasaun ba iha Sentru Eletrisidade Betano,Terca (20/08).
Tuir Primeiru Ministru Xanana Gusmao iha diskursu hateten katak Projeto estadu nian ne’ebe hahu hosi 2008 halo estudu no 2009 PN aprova osamentu ba projetu boót ida ne’e hodi hanoin katak atu dezenvolve Timor Leste persija Infra-Estrutura baziku mak elektrisidade, Inagurasaun ba EDTL Betano ba dala rua ona no Primeiru maka iha Sentru EDTL Hera ne’ebe inagura iha tinan liu ba.

“Ita inagura tan Sentral Eletrika Betano, ne’ebe projetu hahu kedas iha 2009 no 2010, projetu transmisaun haleu timor laran tomak ho Sentral Eletrika 2, ne’ebe lori tempu difikuldades oin-oin maibe ita hotu agradese ba profesionalismu kompania sira ne’ebe hosi Xineza ne’ebe halo transmisaun haleu TL tomak,” hatete PM Xanana.

Nia agradese tebes ba iha kompaina sira ne’ebe husi Xineza, ne’ebe servisu nunka hatene kolen hodi monta tore EDTL haleu teritoriu Timor laran tomak. membru sira halao servisu ida ne;e iha defisil nia laran hodi dada lina Eletrisidade hamutuk kilometru 300 resin, ne’eduni projetu ida ne’e boot ne’ebe lina transmisaun hamutuk rihun 2400 kilometrus ida ne’e seidauk to’o ba fatin hotu-hotu naibe lao nafatin hodi primite katak sakrafisu ne’ebe povu tomak hasoru iha tinan 24 nia laran.

Nia informa tan katak, dala ruma ema husu tanba sa mak bele hetan 250 mega wots ida ne’e hodi hanoin ba futuru konaba TL nia industria, tanba ne’e husu ba Timor oan tomak atu hader hodi buka oportunidade hotu-hotu atu bele uza Eletrisidade ne’ebe mak to’o ona iha fatin-fatin.

“Ita tenke hahu hanoin atu kria industria, ita tenke hanoin bele halo industria oin-oin hodi bele redus importasaun hosi rai liur ohin loron jovens matene barak buka deit servisu iha servisu fatin ne’ebe ho komputadores ita tenke book an no buka dalan atu sai kreativu hodi hadau moris estadu kumpri nia obrigasaun loke oportunidade sira ne’e tanba ne’e ohin loron ita tenke servisu makas,” hatete Xanana.

Alende ida ne’e nia husu ba jovens sira soe tiha pratika jogu, ferik ho katuas sira simu osan ituan ba joga hotu Bingo ne’e sala iha komunidade nia le’et mestre, alunus, Xefi Suku, Xefi Aldea sira hanorin malu ba hodi approveita saida mak estadu loke dadaun ne’e, hein deit mak dudu 3 roda, loke kios ne’e rai laba oin atu fo informasaun ba hotu-hotu katak governu ida ne’e husu osan barak fo atensaun ba Xefe Suku, Administrador sira no ba responsavel iha Timor laran tomak.

Xanana mos husu ba lider komunitariu sira atu fo hatene ba malu katak atu uza ahi didiak iha uma, tanba dala barak iha fatin barak uza ahi iha tempu loron manas, bo’ot tanba ne’e governu halo ona planu atu selu Eletrisidade.
“Governu iha ona planu selu Eletrisidade no hau fiar katak wainhira ita hotu selu ita komesa redus ona gasta energia Eletrisidade arbiru deit hodi kontinua fo todan ba estadu. Eletrisidade laos mai atu leno deit lakan iha ita nia baranda maibe mai atu leno ita ia hanoin hodi bok an hodi kontinua ita nia saudozu sira ne’ebe mate nia mehi no sira ne’ebe moris liu-liu ba sira ne’ebe mate,” nia informa.