Dili-Ministru Justica,Dionisio Babo ba loron segundu halo aprezentasaun kona ba Propridade Bens Imoves liga mos ba lei rai nia ba delegada feto husi 13 Distritu neébe partisipa iha IV kongresu Nasional feto Timor Leste, iha Salaun Delta Nova Terca (13/08).
Iha aprezentasaun neé Ministru Justisca,Dionisio Babo hateten katak primeiru hau (MJ) fo parabens ba inan feton sira neébe mai husi 13 Distritu hodi partisipa iha kongresu ida neé tamba papel feto nia inportante tebes ba dezenvolvimentu nasional ba ita nia paiz ida neé.

MJ informa tan katak esbosu lei rai nia agora tama ona iha Parlamentu Nasional hodi halo aprovasaun,maibe esbosu lei rai nia mai husi ita nia governu AMP nia tempu maibe la konsege hetan promulgasaun husi Prezidente da Republika e mai toó V governu Konstitusional liu husi Ministru Justica,kontinua hadia artigu balun no traduz lei neé ba tetun hodi halo konsultasaun publiku ba ita nia komunidade sira e husu mos ba Entidade hanesan ONG,Religaun,Akademia ,no partidu politikus sira nia submisaun atu bele hatama mai hodi haruka ba iha konselhu Ministru e mos ba Parlamentu Nasional atu bele disidi.

“Estadu labele jenaraliza lei tuir fali grupo ou ema ida-ida nia interese maibe tenke lao tuir lei neébe ita konstituisaun hakerek ona, maske govenru ida neébe mak mai ukun mos tenke lao tuir lei neébe iha ona tamba Konstitisaun RDTL mak boót liu”Dehan Ministru Justica,Dionisio Babo Ministru mos informa tan katak rai iha funsaun social e estadu mos rekonhese ita nia rai tradisaun no valoriza nafatin maibe kuandu estadu presija ba interese nasional estadu bele foti maibe laos foti deit tenke tuir lei neébe iha,e bele fo kompensesaun.