Edificio Ministerio Justica, Vise Ministru Justiça Ivo Valente , lidera noó orienta reuniaun conselho consultivo Ministerio Justica iha oras 15.00, nebe partisipa Directores tomak husi Ministerio neé, loron 13 Agostu 2013.
Reuniaun ne halao bazeia ba enkontro dader ho Comite Revizaun orsamento ( CRO) nebe lidera husi S.E.Sr. Primeiro Ministro hodi rona Ministerio Justica nian proposta orsamento ba tinan 2014.
Vise MJ, Ivo Valente hatutan katak directores hotu atu prepara no ajusta orsamentu ba rubrikas nebe ekipa teknika Ministerio Financas propoin atu redus, no husu atu Director Financas rekolha justifikasaun sira ba nessecidades Ministerio noo fundamenta razaun sira ba orsamentu nebe Ministerio sei propoin no tenki hatama dia 14 de agosto de 2013 ba CRO Ministerio financas.

Katak, percisa identifika ekipamentos, kareta, motor, mobiliarios sira nebe Ministerio iha ( Logisitka ) identifika sasan nebe sei utiliza no nebe at, hodi konsidera atu bele halo kompras ba tinan oin mai. Prepara tabela ho justifikasaun nebe bele garante nia utilizasaun ba interese Ministerio Justica.

Ikus kada dirasaun define sira nian nessesidades konaba transporte nebe sira atu percisa halao servisu ba dirasaun ida – ida. Hanesan dirasaun Prisao ba orsamento 2014, husu transporte kareta Célula 3, para atu suporta transporte ba Prisao, Bekora (Dili), Suai, Ermera, no ho motorisada 2 suporta ba Finanças ho Logistik. Nune mos ba Dirasauun nasional Terras percisa kareta 12 hodi fahe ba distritos, Centro Formasaun Juridica percisa 1, etc. Reuniaun ne halao durante oras ida ho balun termina iha tuku 16.30.