Dili - Ministru Justica,Dionisio Babo halo aprezentasaun iha Kongresu Nasional Feto Timor Leste bad ala IV iha salaun Delta Nova Segunda Feira (12/08) ho nia tema Oin sa Garantia Feto Nia Asesu ba Justica Formal No Sistema Judisiaria.
Iha Aprezentasaun neé Ministru Justica Dionisio Babo,informa katak Asesu ba justica dala barak indentifika hanesan mos asesu ba Tribunal liu husi Advogado ka organizasaun adovgadu nia (Legal Aid) haktuir artigu 7-8 Deklarasaun Universal Direitus Umanu nian.

Tuir UNDP iha 2007 asesu ba justica ema ida nia kapasidade atu buka dalan no ba hetan justica liu husi organizasaun justica nian (LBH) neébe estadu nian nomos non estadu tuir prinsipiu Direitus Humanu nian.

Konstituisaun RDTL mos hatur ona artigu 26 (1) kona ba ema hotu –hotu iha direitu atu ba tribunal hodi defende sira nia direitu no intrese neébe lei fo protesaun ba.

Ministru Justica,salienta tan katak feto no feto ran sira dala barak iha difikuldade atu hatama keixa kona ba krime nian neébe sira hasoru,difikuldade sira neé mosu tamba kauza husi problema menus edukasaun,probelema infrastrutura,ekonomia neébe mukit nomos valor husi kultura rasik.

“mekanismu justica konstumeniru ou justica tradisional dala barak sai hanesan dalan uniku ou mesak atu hal justica husi ema barak maibe toó ohin loron la iha regulamentasaun ida neébe bele sai risku boót ida ba pratika justica tradisional nain tamba bele hasoru lei no direitu ema nian”dehan Minstru Justica Dionisio Babo.

Dezenvolvimentu Sistema Justica iha Timor Leste lao namanas hodi bka atu hataba povu nai helerik kona b alia los nian,inportante tebes atu tau matan hodi difine vizaun ida neébe koerente no komum kona ba oinsa mak sistema jusitca iha Timor Leste bele dezenvolve no funsiona.

“Tamba neé Governu liu husi Ministeriu Justica hatur ona dokumentus ida atu sai hanesan mata dalan ba dezenvolvimentu seitor justica nian neébe hanaran Planu Estratejia Dezenvolvimentu Seitor Justica iha tinan 2011-20130”dehan MJ.