Dili-Governu Timor Leste liu husi Ministru Justica,sei kria koperasaun ida entre Nasaun Timor Leste ho Malyzia atu bele halo Teste aimoruk droga neébe mak tama mai iha Timor Leste,inkului mos ba Timor oan sira nebee consume droga.
Tuir Ministru Justica Dionisio Babo, informa katak Governu Timor Leste liu husi Ministeriu Justica prepara ona Timor oan lubuk ida neébe iha area spesiafiku atu halo teste ba aimoruk droga sira neébe tama mai iha Timor Leste e mos ba ita nia juventude balun neébe consume ona droga neé.
“Governu Timor Leste sei halo koperasaun ho governu Malyzia atu bele halo teste ba droga neébe mak tama mai zona Timor Leste e mos ba ita nia maluk joventude balun neébe consume ona droga neé ”Dehan Ministru Justica Dionisio Babo hafoin loke abertura ba Worshop Paralegais iha Centru Formosaun Juridico Caicoli DIli,Sexta Feira (02/08).

Ministru Justica mos informa tan katak atu teste droga neé bele halo iha Portugal,maibe neé distansia dok liu banhira droga ita lori lao dok liu entaun droga neé bele hetan fali kontaminasaun.

“Hau (Ministru Justica) apela ba Timor oan hotu liu-liu Juventude sira atu labele kometa iha droga neé tamba sei estraga ita boót sira nia futuru e bele lori risku boót ba dezenvolvimentu nasional ba rai ida neé tamba juventude mak sai hanesan futuru nasaun nian tamba neé tenke hadok aán husi droga neé”Apela Ministru Justica.

Ministru Justica mos aprezenta ona Esbosu lei droga nia ba Konselhu Minsitru atu halo apresiasaun no lori ba iha Parlamentu Nasional hodi halo diskusaun no aprovasaun atu nune bele kombate droga iha Timor Leste.