Ministra Husu Orgaun Judisiáriu tenki hakás aan

MINISTERIU da Justisa servisu hamutuk ho Parseiru dezenvolviementu ba seitor justisa hala’o worshop Strategic Planning ba dahát iha Salaun Delta Nova (DN) Kinta, (25/6) semana kotuk.

Workshop ne’ebé deskuti liu konaba planu stratejiku seitor justisa nian ne’e Ministra Justisa, Lúcia Maria Brandão Freitas Lobato hateten, senti kontenti tanba bele partisipa iha workshop refere, liu-liu kona ba sistema justisa iha Timor Leste (TL).

“Hau hatene katak durante fulan hirak ne’e nia laran ita hotu servisu makás hodi haree diak liu tan sistema justisa iha ita nia nasaun. Nune’e hau mos bele fo korajen katak, ita rasik mak tenki hola parte iha orgaun importante sira iha Timor Leste nune’e ita mak tenki prepara hodi halo planu estratejiku ne’ebé mak iha,” dehan Lúcia.

Tuir ministra, planu ema bele planeia, maibe laos planu ida ne’ebé tinan ba tinan la iha mudansa, nunka mais hakat ba iha oin, ho ida ne’e planu ne’ebé trasa tenki realiza hodi halo buat ruma. Nune’e tenki hakaas aan atu ikus mai bele hetan nia rezultadu ne’ebé diak.

Relasiona ho kalendariu ne’ebé prepara ona hosi grupu tekniku ba planu estratejiku seitor justsia nian Ministra hateten, atu realiza servisu tuir kalendariu ne’ebé pepara ona hosi grupu tekniku sira, ema hostu, liu-liu orgaun judisiariu sira tenki hakas aan.

“Hau fiar katak, wainhira ita hala’o servisu ho hakas aan no fo ita nia neon, buat hotu sei lao ho diak.” Dehan Ministra.

Iha tempu hanesan ministra mos husu ba parseiru dezenvolviementu seitor justisa nian atu fo apoiu maximu ba programa ne’ebé governu halo. Nia mos husu atu parseiru dezenvolviementu seitor justisa nian no grupo tekni ba servisu nian sira tenki hakaas aan hodi bele produz dokumentus hirak ne’ebe importante iha tempu badak nia laran.

Ministra hateten, orgaun judisiariu tomak tenki hakaas aan hodi fo apoiu ba planu estratejiku refere tanba sira mak sei sai hanesan ai riin ba justisa. Nune’e juizes, Prokuradores no defensoria sira mak tenki kontribui makaas hodi bele fasilita justisa iha TL.

Programa ne’ebé hahu halo planu iha Marsu 2009 no realiza iha Abril 2009 ne’e oras ne’e kumesa lao ba oin.

Iha fatin hanesan, Diretur Jeral Ministeriu Justisa, Crisogno da Costa Neto mos hateten, durante halao prosesu ba planeamnetu ba seitor justisa realize duni iha Minsiteiru justisa.

Durante programa lao, to’o oras ne’e hosi parte sekretariadu ba seitor justisa nian produz ona dokumentus baze ka The Baseline Document. Diretur Jeral ne’e informa liu tan katak, hahu iha Maiu liu ba workshop kontinuasaun halao dala rua hodi deskute liu kona ba Analyses Sword, nune’e durante workshop koalia mos sobre oinsa halo estratejia ba seitor justisa nian.

Nia mos hateten, oras ne’e hosi sekretariadu ba programa refere iha ona dokumentu de baze ne’ebé produz ona. Nune’e iha loron 9 fulan Jullu 2009 oin mai aprezenta ona ba iha Ministra da Justisa nune’e bele aprova ona iha konnsellu kordensaun.

Ananias Babo Horta

Media Officer Gabinete Ministra da Justisa