Dili, Vise Ministru Justisa Ivo Valente loke ofisialmente ensino nao formal ba reclusos nain 37 programa ne halao hamutuk ho Ministériu Edukasaun ( dirasaun nasional Ensino nao Formal ), loron 23.07.2013.Sesaun abertura nee, halao iha salaun prizaun Bekora, nebe partisipa mos director nasional Servicos prizaun no reinsersaun sosial, Dr. Helder Belo, reprezentantes husi Ministeriu Edukasaun, Sosisedade Sivil, Caritas Australia, no Estudantes Universitarius balun.Programa nebe fo ba reclusos nain 37, nain 25 sei tuir programan ensino ba escola nao formal Pre-Secundaria, no nain 12 ba escola nao formal secundaria.
Iha intervensaun Vise Ministru Justiça Ivo Valente haklaken katak ba prizonerio sira nebe hetan oportunidade osan mean ne atu aproveita di-diak ensino nebe Estado projecta ba futuro reclusos nian, husu atu reclusos sira tuir ho atensaun, atu apredne no implementa matenek ruma nebe simu iha estabelesimentu prizional. Estado hare no konsidera reclusos sira hotu nia direitu atu hetan formasaun ka edukasaun nao formal hodi garante sira nia futuro. Nudar ema ita halo salah, maibe nudar ema mos, ita hatene oinsa hadia, ka la repete fali ita nia salah, erro sira, ho estuda no aprende ita ema hatene saida mak salah, noo saida mak los,..estado iha obrigasaun atu eduka ema hotu, nune reclusos sira sei sai ema nebe estadu percisa iha tempo oin mai.
Cerimonia nee lança ho baku tambor nudar sinal loke oficialmente ensino nao formal refere husi Ivo Valente, Vice Ministru ba Justica.

Hafoin termina tiha sesaun abertura, Vise MJ no ho Director Prisaun Dr. Helder Belo sei halao vizita ba Kampaun prizoneiro sira nebe hela fatin, Vise MJ mos hatoo liafuan ba sira iha vizita nee, Vise Ministru Justica, hakbesik ba sela/ quarto prizaun balun hodi dada lia ho prizionereirus, hodi hare besik sira nia situasaun, kondisaun, noo husu konaba sira nia estatutu iha kadeia, estatutu nudar reclusos ka detido preventivos, nune mos husu konaba sira nia hahan, sira nia roupas, no oinsa sira nia komportamentu liu-liu relasaun ho guarda prizionais sira.